web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia shkëlqen në shtëpi, Egnatia merr fitoren e pestë radhazi

9 Shkurt 2025, 19:22, Sport CNA

Vllaznia shkëlqen në shtëpi, Egnatia merr fitoren e pestë

Vllaznia dhe Egnatia arritën fitore të rëndësishme, duke ruajtur pozitat e tyre në kreun e tabelës dhe duke dëshmuar formën e shkëlqyer që po kalojnë.

Në stadiumin “Loro Boriçi”, Vllaznia priti Bylisin, në një sfidë ku shkodranët ishin favoritë për të marrë tri pikët. Edhe pse pjesa e parë nuk prodhoi gola, skuadra shkodrane e dominoi takimin dhe krijoi disa raste të rrezikshme.

Pjesa e dytë nisi me një tjetër ritëm. Autogoli i Kamara në minutën e 55-të i hapi rrugën fitores së vendasve. Vetëm katër minuta më vonë, serbi Stojanoviç dyfishoi rezultatin, duke e bërë edhe më të sigurt fitoren e Vllaznisë. Në minutën e 88-të, kroati Kahrimanoviç vulosi rezultatin në 3-0, duke mbyllur një mbrëmje perfekte për skuadrën shkodrane.

Ky sukses e mban Vllazninë në vendin e dytë me 43 pikë, vetëm dy pikë larg kreut dhe konfirmohet si një nga pretendentet kryesore për titullin kampion. Në anën tjetër, Bylisi mbetet në mesin e tabelës, ku renditet i shtati me 24 pikë.

Egnatia arriti një tjetër fitore të rëndësishme, pasi mposhti me rezultatin 2-1 Elbasanin. Skuadra e Gvozdenovic kishte mundësinë e parë të mirë, por Tsague shpërdoroi një penallti në minutën e 29-të. Gjuajtja e sulmuesit u prit nga portieri Mario Dajsinani.

Goli i parë erdhi në minutën e 33-të, nga Regi Lushkja që përfitoi nga një top i marrë në zonë dhe me një gjujatje të bukur, e ndali në rrjetë.  

Pjesa e parë u mbyll me këtë rezultat, ndërsa e dyta ishte edhe më e bukur.

Në minutën e 90-të, braziliani Leo Melo dyfishoi avantazhin për Egnatian, duke e çuar ndeshjen drejt një fitoreje të sigurt. Elbasani arriti të ngushtojë diferencën në minutën e 92-të, me Tsague që shleu gabimin e tij me një gol, por ishte shumë vonë për të marrë një rezultat pozitiv.

Kjo ishte fitorja e pestë radhazi për Egnatian, e cila vazhdon të kryesojë Superioren me 45 pikë pas 24 javëve. Rrogozhinasit po tregojnë një stabilitet dhe pjekuri të madhe në këtë sezon, duke u shfaqur si një pretendent serioz për titullin kampion. Elbasani, në anën tjetër, mbetet në vendin e pestë me 29 pikë.





Lajmet e fundit nga