E fundit!

09:24 Aktualitet

Tirana në “Top 5” e qyteteve më të papërballueshme në Evropë për blerjen e një shtëpie

Çmimet e shtëpive janë rritur shumë më shpejt se të ardhur...

Konfirmohet nga FSHF, rekord kartonësh në derbi. Zbulohen të ndëshkuarit në Partizani-Tirana

10 Shkurt 2025, 18:01, Sport CNA

Konfirmohet nga FSHF, rekord kartonësh në derbi. Zbulohen të

Derbi i kryeqytetit mes Partizanit dhe Tiranës u mbyll në barazim 1-1, por këtë herë u shoqërua me një tension ekstrem, që kulmoi në minutat e fundit të ndeshjes. Në një sfidë që pritej të ishte e luftuar, momenti vendimtar erdhi me golin e Sembene në minutën e 90-të, i cili i dha barazimin Partizanit dhe ndezi një situatë kaotike në fushë.

Pas golit, shpërtheu një përplasje masive mes lojtarëve, stafeve teknike dhe madje edhe rezervave.

Si rezultat i tensioneve të larta, arbitri Eldorjan Hamiti ndëshkoi me plot 8 kartonë të kuq, një shifër e rrallë në historinë e derbit kryeqytetas. Më e dëmtuar nga vendimet e rrepta të gjyqtarit mbeti Tirana, e cila humbi katër lojtarë dhe një anëtar të stafit, ndërsa Partizani humbi tre lojtarë.

FSHF, ka konfirmuar se me kartonë të kuq u ndëshkuan Marku, Gjumsi, Mici dhe Kozi, por edhe drejtori Ibraimi te Tirana. Në anën tjetër Gudjufi, Bytyçi dhe Taipi.

Konfirmohet nga FSHF, rekord kartonësh në derbi. Zbulohen të

Për pasojë, ndeshja u mbyll me nga 9 lojtarë në secilën skuadër, duke bërë që fundi i sfidës të zhvillohej në një atmosferë aspak sportive.

Dhënia e 8 kartonëve të kuq e bën këtë një nga derbet më të ashpra dhe më të ndëshkuara në historinë e përballjeve mes dy ekipeve kryeqytetase. Derbi i kryeqytetit gjithmonë ka qenë një duel i fortë, por rrallëherë është parë një përplasje e tillë masive.

Ky incident me siguri do të pasohet nga vendime të ashpra të Komisionit të Disiplinës, i cili pritet të shqyrtojë ngjarjet e ndeshjes dhe të marrë masa shtesë për lojtarët dhe stafet e përfshira në incident. Për Tiranën, humbja e katër lojtarëve të rëndësishëm do të jetë një problem serioz për ndeshjet e ardhshme, ndërsa Partizani gjithashtu do të duhet të menaxhojë mungesat e tij.

Me siguri ky është një nga derbet ku janë dhënë më shumë kartonë të kuq, teksa me siguri do të ketë vendime edhe nga Komisioni i Disiplinës.