web counter
LEXO PA REKLAMA!

SHKARKO APP

App Store
Google Play

Partizani sfidon Bylisin, Veselinovic: Ju kërkoj ndjesë, por...

20 Shkurt 2025, 17:57, Sport CNA

Partizani sfidon Bylisin, Veselinovic: Ju kërkoj ndjesë, por...

Trajneri i Partizanit, foli në prag të sfidës me Bylis në kampionat, në sfidën e javës së 26-të. Të kuqtë kërkojnë të rikthehen te fitorja, pas një periudhe të vështirë me të cilën po përballen.

Veselinovic refuzoi të tregojë lojtarët që do të zbresin në fushë ndaj ballshiotëve.

“Jam i sigurt që do të luajmë ndaj një kundërshtari cilësor. Pikët që i duhen Bylis është pjesë e rëndësishme e tyre, por na jep një të drejtë të mendojmë edhe për ne pasi edhe ne na nevojiten pikët.

Bylis përpara një ndeshje ka ndryshuar trajnerin. Çdo trajner ka idetë e veta. Në drejtimin e trajnerit të ri kanë luajtur një ndeshje, atë ndaj Elbasanit dhe është e qartë që të dy trajnerët, ai që ishte dhe ky që ka ardhur kanë patur ide të ndryshme. Siç kam deklaruar gjithmonë ne fillimisht duhet të mendojmë për veten tonë. Të jemi të fokusuar dhe të disiplinuar që nga minuta e parë e deri në sekondën e fundit.

Në çdo ndeshje ne kemi mundësi për të shënuar gol. Ajo është vetëm një segment i lojës, patjetër që luhet për të shënuar gola dhe kjo ka shumë rëndësi. Jam i bindur që ndeshja nesërme do të jetë në nivel për të shënuar.

Kemi për të zhvilluar edhe seancën e fundit stërvitore. Mund t’ju them se në ndeshjen ndaj Bylisit do të jenë në fushë lojtarët me gjendjen më të mirë. Ne jemi pothuajse gjithë ditën me lojtarët, ndikojnë shumë faktorë se si ata ndihen, ana shëndetësore, dëmtime, skualifikime , ndaj ju kërkoj falje por nuk jam i gatshëm në këtë moment t’ju them se cilët lojtarë do të jenë të gatshëm për nesër. Pas stërvitjes së fundit do të kemi diçka më të qartë. Jo vetëm ndaj Bylis por gjithmonë synimi ynë është të fitojmë ndeshjet”, deklaroi Veselinovic.





Lajmet e fundit nga