E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Eliminimi nga Feyenoord, Conceicao: Dështim, marr përgjegjësitë

19 Shkurt 2025, 16:04, Sport CNA

Eliminimi nga Feyenoord, Conceicao: Dështim, marr

Eliminimi i hershëm i Milanit në Ligën e Kampioneve, ka lënë një shije të hidhur në të gjithë kampin kuqezi. Të shumtë janë ata që akuzojnë mbrojtësin Theo Hernandez për kartonin e kuq, por trajneri Sergio Conceicao ka marrë përsipër përgjegjësitë.

Në prononcimin pas ndeshjes, tekniku kuqezi deklaroi se barazimi dhe eliminimi janë një dështim. Sipas tij situata nuk është e qetë dhe kjo konfirmohet nga kartonët e kuq.

Conceicao kërkoi që të lihet pas krahëve ky zhgënjim dhe fokusi të jetë te ndeshjet e radhës.

“Është padyshim një dështim, ne donim të kalonim turin. Kjo ndeshje tregoi se ne jemi më të fortë se kundërshtarët tanë dhe se faktorët përcaktues ishin episodet, si në Zagreb: i kuq atje, i kuq në San Siro. Mund të thuash se arbitri ishte shumë i ashpër, por ne duhej të ishim më të fortë mendërisht. Jam unë përgjegjësi, jo Theo. Brenda dhomës së zhveshjes do të shohim. Theo i ka dhënë shumë Milanit, unë kam bërë shumë gabime në karrierën time. Ne jemi të zemëruar. Deri te kartoni i kuq i Theos, Feyenoord nuk dinte si të arrinte te porta. Jemi të zhgënjyer dhe të zemëruar..

Kam ardhur një muaj e gjysmë më parë, por më krahasojnë me trajnerë që ishin këtu prej vitesh. Ne nuk kemi punuar me ekipin e parë, ne punojmë në numër të vogël me ata që bëjnë gjëra të ndryshme. Fituam të vetmin trofe që mund të fitonim, jemi në gjysmëfinale të Kupës së Italisë dhe në kampionat, që kur erdha unë, ne kemi bërë 14 pikë dhe Napoli ka bërë 15 gjatë këtij viti. Atmosfera këtu te Milani nuk është më e mira e mundshme dhe kartoni i kuq e tregon, duhet të punojmë mbi këtë. Më besoni, nuk është e lehtë, nuk është e lehtë.

Ne treguam përsëri sot se nuk mund të pësonim goditje në portë dhe të krijonim raste. Më pas ishte përjashtimi i Teos. Dhe kjo na lë shumë të zemëruar dhe të zhgënjyer. Ju e dini më mirë se unë se duhet të ndryshojmë atmosferën. Nuk po flas për tifozët. Për të ndryshuar atmosferën duhet të fitosh. Tani është ndeshja e radhës në Torino: të fitojmë këtë dhe pastaj atë mbrapa. Dhe të mendojmë për Kupën e Italisë”, deklaroi Kosensao.

Milani po përballet me vështirësi të mëdha edhe në kampionat. Kuqezinjtë renditen në vendin e shtatë dhe synimi është të futen mes katër më të mirave, për të siguruar kualifikimin për në Ligën e Kampioneve të sezonit të ardhshëm.