web counter
LEXO PA REKLAMA!

SHKARKO APP

App Store
Google Play

E fundit!

x

Juventusi mposhti Interin/ Motta i gëzohet fitores, Inzaghi: Bëmë ndeshje të shkëlqyer

17 Shkurt 2025, 20:34, Sport CNA

Juventusi mposhti Interin/ Motta i gëzohet fitores, Inzaghi: Bëmë

Juventusi triumfoi në derbin e Italisë ndaj Interit, në një përballje që kishte gjithçka brenda. Rezultati i ndeshjes, ka lënë emocione të përziera te dy trajnerët.

Tekniku zikaltër, Simone Inzaghi deklaroi se skuadra e tij bëri një ndeshje shumë të mirë, por i mungoi finalizimi. Sipas tij, lojtarët duhet të ishin treguar vrastarë në zonë, me rastet që kishin. Inzaghi deklaroi gjithashtu se me mundësitë që kishin në fraksionin e parë, nuk duhet të kishte qenë rezultati 0-0.

“Nuk mund të fajësoj djemtë. Bëmë një ndeshje të shkëlqyer, por duhej të kalonim në avantazh në pjesën e parë. Në pjesën e dytë nuk u paraqitëm mirë dhe pësuam golin. Duhet të punojmë më shumë. Duhet të bëjmë zgjidhje më të mira. Nuk shoh se çfarë ndodh me rivalët për titull, jam i fokusuar vetëm tek ekipi im. Me një paraqitje si ajo në Torino, mendoj se meritonim më shumë. Duhet të ishim vrasës para portës. Me ato raste që kishim, pjesa e parë nuk duhej të përfundonte pa gola”, deklaroi Inzaghi .

Në krahun tjetër, trajneri i Juventusit, Thiago Motta u shfaq shumë i lumtur. Tekniku bardhezi pranoi dominimin e Interit në pjesën e parë, por theksoi se ekipi i tij e meritoi triumfin.

“Mendoj se pjesa e parë ishte e vështirë dhe e komplikuar kundër një skuadre shumë të fortë, që luan shumë mirë futboll. Por ne e respektuam tepër kundërshtarin, i lamë shumë hapësirë për lojën. E dimë që është një skuadër që lëviz shumë dhe ka cilësi.

Fitoret sjellin besim dhe ndërgjegjësim për forcën që kemi. Është e qartë që për të arritur këto fitore duhet të bëjmë mirë dhe t’i meritojmë. Në pjesën e parë nuk e meritonim të fitonim, Interi ishte superior. Në ndeshjet jashtë fushe kemi bërë më mirë që nga minuta e parë.

Objektivi im është të përmirësoj skuadrën, të bëj punën time në maksimum çdo ditë. Më pëlqen ajo që bëj. Nuk e stërvit skuadrën dhe nuk e bëj këtë punë për t’i pëlqyer dikujt, e bëj për veten time, sepse e di që jemi në rrugën e duhur. Më pëlqen të shoh djemtë e mi duke vrapuar, duke u përpjekur dhe duke luajtur mirë futboll për të arritur gjithmonë fitoren. Ndonjëherë nuk kemi qenë në gjendje, por sonte kemi bërë një punë të shkëlqyer dhe e kemi merituar fitoren. Ky është objektivi im. Djemtë meritojnë mbështetjen e tifozëve, sepse çdo ditë japin maksimumin dhe japin gjithçka në fushë, gjithmonë për të mirën e skuadrës dhe të Juventusit”, deklaroi Motta.

Pas humbjes, Interi mbetet në vendin e dytë, ndërsa Juventusi është ngjitur në vendin e katërt në renditjen e Serisë A.





Lajmet e fundit nga