E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Lojtar dhe pronar, Vinicius Junior blen klubin portugez

18 Shkurt 2025, 16:50, Sport CNA

Përveç karrierës së tij të shkëlqyer si lojtar i Real Madridit, Vinicius tani është futur edhe në botën e biznesit të futbollit. Sulmuesi brazilian është në prag të blerjes së klubit Alverca, një skuadër që luan në Ligën e Dytë të Portugalisë dhe që këtë sezon është në garë për t’u ngjitur në elitën e futbollit portugez.

Ky investim është një lëvizje strategjike jo vetëm për Vinicius, por edhe për një grup investitorësh brazilianë dhe spanjollë që e mbështesin këtë projekt. Lojtari i Real Madridit pritet të marrë kontrollin e 80% të aksioneve të klubit, duke u bërë kështu figura kryesore në drejtimin e Alverca.

Lajmi është konfirmuar edhe nga Ricardo Vicintin, pronari aktual i klubit, i cili është shprehur se ka zgjedhur me kujdes personin e duhur për ta çuar përpara këtë projekt ambicioz.

“Së bashku me familjen time, u sigurova që të zgjidhja me kujdes se kujt do ia besoja këtë thesar. Vinicius dhe ekipi i tij janë njerëzit e duhur për ta ngritur klubin në një tjetër nivel”, tha Vicintin.

Marrëveshja raportohet se është mbyllur për 8 milionë euro, dhe në ditët e ardhshme priten zhvillime të tjera në lidhje me këtë transaksion.

Ky hap i madh i Vinicius Junior nuk është një vendim i rastësishëm. Ka disa arsye të forta pse ai ka zgjedhur të investojë pikërisht tek Alverca, e cila është një skuadër me histori të pasur në futbollin portugez. Në të kaluarën ka luajtur në Primeira Liga dhe tani është shumë pranë rikthimit në elitë.

Kampionati portugez ka qenë gjithmonë një nga destinacionet kryesore për lojtarët e rinj nga Brazili. Me këtë investim, Vinicius mund të krijojë një lidhje të fortë mes talenteve braziliane dhe futbollit europian.

Alverca po kalon një sezon të shkëlqyer në Ligën e Dytë të Portugalisë. Aktualisht, ekipi renditet në vendin e dytë, duke qenë një nga favoritët për t’u ngjitur në elitë.

Blerja e Alverca nga Vinicius është një lëvizje e rëndësishme që tregon qartë ambiciet e tij për të qenë më shumë sesa një futbollist i madh. Ky investim mund të jetë një hap i parë drejt një karriere të suksesshme si biznesmen në botën e futbollit.