web counter
LEXO PA REKLAMA!

SHKARKO APP

App Store
Google Play

E fundit!

x

“Plas” tek Atalanta/ Trajneri nuk u kursye, reagon Lookman: Nuk kam folur kurrë, por...

19 Shkurt 2025, 14:23, Sport CNA

“Plas” tek Atalanta/ Trajneri nuk u kursye, reagon Lookman: Nuk kam

Situatë kaotike tek Atalanta. Trajneri Gian Piero Gasperini, pas eliminimit në Champions League ndaj Club Brugge, akuzoi rëndë sulmuesin Lookman, pas humbjes së penalltisë.

Tekniku zikaltër tha se nigeriani është një goditës i keq i penalltive, ndërsa shtoi se nuk duhej ta kishte marrë përsipër.

Për këtë ka reaguar së fundmi edhe Lookman, i cili shprehet i zhgënjyer për atë që ndodhi.

“Më trishton që më duhet të shkruaj këtë deklaratë në një ditë si kjo. Veçanërisht për atë që kemi arritur së bashku si skuadër, por edhe si qytet. Jo më pak për shkak të punës dhe angazhimit të jashtëzakonshëm që kam bërë gjithmonë çdo ditë për të ndihmuar në arritjen e suksesit për këtë klub dhe tifozët e jashtëzakonshëm të Bergamos. Jo vetëm jam lënduar, por ndihem thellësisht i zhgënjyer.

Në të vërtetë, gjatë kohës sime këtu jam përballur me shumë momente të vështira, për shumicën e të cilave nuk kam folur kurrë, sepse për mendimin tim skuadra duhet të mbrohet gjithmonë dhe duhet të jetë e para. Kjo e bën edhe më të dhimbshme atë që ndodhi mbrëmë. Së bashku me tifozët tanë të jashtëzakonshëm, edhe ne si ekip po vuajmë nga rezultati i mbrëmshëm. Gjatë ndeshjes, lojtari që duhej ta gjuante penalltinë, më urdhëroi ta gjuaja unë dhe për të mbështetur ekipin mora përgjegjësinë për ta bërë këtë. Jeta ka të bëjë me sfidat dhe kthimin e dhimbjes në fuqi, gjë që do të vazhdoj ta bëj”, deklaroi Gasperini.





Lajmet e fundit nga