web counter
LEXO PA REKLAMA!

SHKARKO APP

App Store
Google Play

“Kritikat nuk i kam qejf”, Kumbulla: Në Spanjë kanë besim tek unë, mendjen e kam tek Espanyol-i dhe te Kombëtarja

18 Tetor 2024, 11:12, Sport CNA
“Kritikat nuk i kam qejf”, Kumbulla: Në Spanjë kanë
Marash Kumbulla

Mbrojtësi i Kombëtares shqiptare të futbollit, i cili luan tek Espanyol-i në formë huazimi nga Roma, Marash Kumbulla, ka dhënë së fundmi një intervistë për mediet italiane.

I pyetur për aventurën me klubin spanjoll, mbrojtësi shqiptar theksoi se atje e kanë bërë që të ndihet i rëndësishëm.

"Më kërkuan… si trajneri ashtu dhe drejtuesit më bënë të ndihem i rëndësishëm. Askush nuk ju garanton dot një pozicion të përhershëm, por ndjeva se klubi kishte besim tek unë dhe ishte e vërtetë. Më ndihmoi shumë fakti që isha gati kur mbërrita, pasi kisha një parasezon veror mjaft të mirë me Roma-n”, -tha fillimisht ai.

Sa i përket së ardhmes, 24-vjeçari deklaroi se për momentin do që të bëjë më të mirën me Espanyol-in.

“E vërteta është se unë nuk po mendoj për këtë. Unë jam këtu dhe dua të kontribuoj për të ndihmuar Espanyol-in që të jetë sa më lart në La Liga. Unë gjithashtu po mendoj edhe për Kombëtaren shqiptare. Në fund të sezonit do të shohim se çfarë është më e mira për të bërë”, -shtoi Kumbulla.

Për kritikat e tifozëve të Roma-s, Marash Kumbulla shtoi se nuk i pëlqejnë, por theksoi edhe se në Itali nuk e shprehu gjithë potencialin e tij.

“Ndoshta nuk më mbajnë mend si futbollist. Është pak e bezdisshme të marrësh kritika të ashpra. Në Itali nuk e shpreha mirë potencialin tim. Por kam mjaftueshëm vetëbesim për të ecur përpara. Nëse ngeceni në një gabim, nuk mund të ecësh përpara. E dija që herët a vonë do të kthehesha”, -përfundoi shqiptari.

Marash Kumbulla e ka nisur shumë mirë këtë sezon me Espanyol-in, ndërsa ka shënuar edhe një gol në La Liga./CNA

 





Lajmet e fundit nga