web counter
LEXO PA REKLAMA!

SHKARKO APP

Asllani drejt largimit, Inter-i i vendos çmimin

17 Tetor 2024, 15:53, Sport CNA

Asllani drejt largimit, Inter-i i vendos çmimin

Sezoni aktual mund të jetë i fundit për Kristjan Asllanin tek Inter-i. Mesfushori shqiptar nuk po arrin të gjejë hapësirat e dëshiruara te zikaltrit dhe për këtë arsye pritet të ndryshojë ambient.

Inter-i pritet ta nxjerrë në shitje lojtarin kuqezi në merkatot e ardhshme, ndonëse ai ka kontratë deri në verën e vitit 2028.

Dëshira e lojtarit gjithmonë ka qenë për të qendrur te kampionët e Italisë, por edhe ai po pajtohet me faktin se rruga më e mirë për të do të ishte të transferohej në një ekip tjetër.

Tek Inter-i duan të paktën 25 milionë euro për ta lënë të lirë Asllanin, një shumë e përballueshme për klube nga Anglia. Kujtojmë se më herët është përfolur për interesim nga Premier League për Asllanin. Më konkretisht, Aston Villa donte shërbimet e tij, por gjithçka ngeli në kuadrin e interesimit.





Lajmet e fundit nga