web counter
LEXO PA REKLAMA!

SHKARKO APP

App Store
Google Play

Klubi i njohur gjerman rrezikon falimentin, zgjidhja mund të vijë nga tifozët

17 Tetor 2024, 14:53, Sport CNA

Klubi i njohur gjerman rrezikon falimentin, zgjidhja mund të vijë nga

Klubi i njohur gjerman, Schalke 04, po përballet me një nga momentet më të vështira në historinë e tij. Një borxh prej 168 milionë eurosh, rrezikon t’i sjellë falimentin klubit, që ka bërë histori në Bundesligë.

Shalke kërkon të gjejë shpëtimin te tifozët dhë ka një kërkesë të veçantë për ta. Klubi ka nxjerrë në shitje aksione të stadiumit, të cilat kërkon që t’i blejnë tifozët, për të shlyer borxhin.

Drejtuesit e Schalke-s duan të zgjidhin të gjitha problemet dhe borxhet e grumbulluara me shitjen e stadiumit dhe me një deklaratë zyrtare kanë bërë të ditur se do të shesin aksionet e stadiumit. Së pari do të krijohet një shoqatë e re për këtë qëllim dhe do të vendoset një çmim për çdo aksion.

Këtë e ka konfirmuar presidenti i Schalke-s , Matias Tilman, i cili ka shpjeguar se shoqata e sapoformuar do të blejë kështu aksionet e stadiumit, i cili do të vazhdojë të menaxhohet plotësisht nga klubi.

Projekti në fjalë, do të nisë pas një muaji, kur është caktuar edhe mbledhja e asamblesë së klubit. Schalke u rezua nga Bundesliga në sezonin 2020/2021, më pas arriti të rikthehej në rangun e elitës, por pasoi sërish një rënie direkte dhe kjo skuadër ka dy sezone që luan me Bundesliga 2.

Këtë sezon Schalke-s do t’i duhet të luftojë për mbijetesë në nivelin e dytë të garave, pasi skuadra ka fituar vetëm tetë pikë nga po aq ndeshje dhe aktualisht ndodhet në vendin e 13-të në tabelë.

Schalke fitoi trofeun e fundit në vitin 2011, kur mori Kupën e Gjermanisë. Schalke ishte kampion i Gjermanisë pesë herë, por hera e fundit që klubi fitoi titullin ishte në vitin 1958.





Lajmet e fundit nga