web counter
LEXO PA REKLAMA!

SHKARKO APP

App Store
Google Play

Pasuesi i Guardiola-s, Manchester City ka gati trajnerin e ri

17 Tetor 2024, 10:01, Sport CNA

Pasuesi i Guardiola-s, Manchester City ka gati trajnerin e ri


Machester City po mendon për trajnerin që mund të pasojë Pep Guardiolën në stol, pasi e ardhmja e teknikut spanjoll nuk është e sigurt. “Qytetarët” duket se kanë zgjedhur trajnerin aktual të Sporting Lisbonës për stolin, Ruben Amorim. Portugezi shihet si profili i duhur për të pasur një emër të madh në stol, siç është Guardiola, kontrata e të cilit skadon në fund të sezonit.

Amorim, i konsideruar si një nga trajnerët e rinj më të mirë në Europë, është zgjedhje e kuptueshme, edhe falë marrëdhënies së tij të ngushtë me Hugo Viana, i cili verën e ardhshme do të marrë postin e drejtorit sportiv te Machester City.

Viana, synon të sigurojë një tranzicion të qetë në rast se Guardiola nuk e rinovon kontratën. Machester City ndërsa shpreson të mbajë një nga trajnerët më të njohur në botë, është i vetëdijshëm se duhet përgatitur për çdo eventualitet.

Amorim tashmë është monitoruar nga disa klube të mëdha europiane dhe është ndër kandidatët kryesorë për të zënë vendin e Guardiolës, nëse ky rol i vihet në dispozicion. 38-vjeçari, në fakt prej kohësh ka qenë pranë klubeve të tjera prestigjioze.

Ai ishte ndër kandidatët për të zëvendësuar Jurgen Klop-in te Liverpool-i vitin e kaluar, ka negociuar edhe me Chelsea-n në të kaluarën. Së fundi, ai është lidhur me një kalim të mundshëm te Manchester United, në rast se shkarkohet Ten Hag. 

Pavarësisht këtyre mundësive, Amorim vendosi të qëndronte te Sporting Lisbona, ku fitoi titullin e dytë portugez sezonin e kaluar, duke treguar edhe vlerën e tij në garat europiane, si fitorja ndaj Totenham në Champions Ligë në vitin 2022 dhe eliminimi i Arsenalit nga Europa Ligë vitin e kaluar.





Lajmet e fundit nga