web counter
LEXO PA REKLAMA!

SHKARKO APP

Dëmtimi i Brojës, lajm i keq për Shqipërinë para ndeshjeve të nëntorit

17 Tetor 2024, 11:23, Sport CNA

Dëmtimi i Brojës, lajm i keq për Shqipërinë para

Armando Broja vazhdon të jetë jashtë dhe duke u rikuperuar, pas dëmtimit të pësuar në verë.

Sulmuesi ende nuk ka bërë debutimin tek Evertoni, aty ku u transferua në fund të merkatos. Për shkak dëmtimi, Broja pritet të mungojë edhe në ndeshjet e nëntorit për Shqipërinë.

Në lidhje me gjendjen e shqiptarit ka folur doktori i Everton, Rajpal Brar. Ky i fundit për "Godison News" ka theksuar se lojtarit i duhet ende kohë për t’u rikthyer në fushën e lojës.

“Puna e tij e përditshme do të jetë një kombinim i progresit në stërvitje, progresit në forcë dhe gjendjen fizike si dhe trajtim për të kuruar ndonjë dhimbje apo mosfunksionim në tendinin e Akilit apo zona të tjera. Çelësi për të shmangur të papritura të pakëndshme është kthimi gradual dhe metodik te programi i lojës.

Ai është ende disa javë larg kthimit në stërvitje të plotë me ekipin dhe objektivi i radhës do të ishte që të kthehej në fushën me bar për punë individuale”, ka theksuar doktori i Everton-it.





Lajmet e fundit nga