web counter
LEXO PA REKLAMA!

SHKARKO APP

App Store
Google Play

E fundit!

x

Inzaghi "ndez" derbin: Kemi kujtime të mira ndaj Milanit

5 Janar 2025, 17:43, Sport CNA

Inzaghi "ndez" derbin: Kemi kujtime të mira ndaj Milanit

Interi synon trofeun e parë sezonal dhe përballë gjen rivalët e qytetit. Në finalen e Superkupës së Italisë, zikaltërit do të përballen me Milanin, në një përballje ku spektakli dhe lufta sportive janë të garantuara.

Në prag të kësaj përballje, trajneri i Interit Simone Inzaghi, vlerësoi kundërshtarin, duke thënë se janë ekipi i mirë. Tekniku kampion, kërkoi nga skuadra e tij që të mos bëjë të njëjtat gabime si në derbin e fundit, që përfundoi me humbje.

Në lidhje me trajnerin Conceicao, Inzaghi theksoi se e njeh mirë, ndërsa kanë luajtur bashkë në të kaluarën.

“Nuk do të rrezikojmë me Thuram, sepse kemi gjashtë ndeshje në 18 ditë dhe është i rëndësishëm. Milani është një kundërshtar që të krijon vështirësi dhe duhet të jemi të kujdesshëm në menaxhimin e topit.

Përplasja me Conceicaonnë të kaluarën? Nuk ndodhi asgjë. Ishte tensioni i një ndeshje në Champions League. Unë kam ndarë dhomat e zhveshjes me të për shumë vite. E njohim mirë si trajner. I bën ekipet të luajnë në mënyrë të organizuar. Në pjesën e dytë ndaj Juventusit zhvilluan ndeshje të shkëlqyer dhe e merituan fitoren.

Derbi është një ndeshje e veçantë dhe emocionuese. Synojmë trofeun e parë për këtë vit. Është derbi i 13-të për mua që kur kam ardhur në Milano. Kemi kujtime të mira nga e kaluara, si nga gjysmëfinalja e Champions League dhe fitimi i titullit sezonin e kaluar. Do përpiqemi të mos bëjmë gabimet e derbit të fundit, që në kushtoi humbjen e merituar. Milani ka ndryshuar stafin teknik, por lojtarët janë të njëjtët”, u shpreh Inzaghi.

Ndeshja Inter-Milan, do të luhet të Hënën e 6 Janarit, duke nisur nga ora 20:00.

 





Lajmet e fundit nga