web counter
LEXO PA REKLAMA!

SHKARKO APP

App Store
Google Play

Olivier Kahn synon të blejë klubin e njohur

4 Janar 2025, 18:38, Sport CNA

Olivier Kahn synon të blejë klubin e njohur

Oliver Kahn, legjenda e futbollit gjerman dhe ish-portieri i famshëm i Bayern Munich, ka ndërmarrë një iniciativë të guximshme për të shpëtuar Bordeaux. Klubi historik, po përballet aktualisht me një krizë të thellë financiare që e ka çuar në kategorinë e katërt franceze.

Në një intervistë për gazetën gjermane “Bild”, Kahn konfirmoi se bisedimet për një përfshirje të mundshme në klub janë në fazat fillestare. Bashkë me të, pjesë e këtij projekti ambicioz është edhe Jacques-Henri Eyraud, ish-presidenti i Marseille. Të dy së bashku po synojnë të zhvillojnë një plan për t’i kthyer lavdinë Bordeaux, një klub që ka shkruar histori në futbollin francez dhe evropian.

Aktualisht, Bordeaux ndodhet nën administrim të kontrolluar për shkak të borxheve të mëdha dhe menaxhimit të dobët. Përfshirja e Kahn në këtë projekt mund të jetë pikërisht ajo që i nevojitet klubit për të gjetur një rrugëdalje nga kriza.

Si një menaxher dhe drejtues i suksesshëm te Bayern Munich, Kan ka një eksperiencë të vyer që mund të bëjë diferencën në këtë situatë të vështirë. Në rolin e tij si president ekzekutiv i Bayern, nga gushti 2019 deri në maj 2023, ai luajti një rol kyç në vazhdimin e dominimit të klubit në futbollin gjerman dhe ndërkombëtar.

Bordeaux nuk është thjesht një klub i zakonshëm. Me një histori që daton më shumë se një shekull, ky klub ka fituar 6 tituj kampionë, 4 Kupa të Francës, 3 Kupa të Ligës dhe 3 Superkupa. Arritja më e madhe në arenën evropiane ishte finalja e Kupës UEFA në vitin 1995, ku ata u mposhtën nga Bayern Munich, skuadra që kishte në portë vetë Oliver Kahn. Në atë kohë, skuadra franceze kishte në përbërje yje të mëdhenj si Zidane dhe Lizarazu, të cilët më vonë shkëlqyen në futbollin botëror.

Me ndihmën e Kahn, Bordeaux mund të fillojë një epokë të re të suksesit dhe të rikthehet si një faktor kryesor në futbollin francez dhe ndërkombëtar.





Lajmet e fundit nga