E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Interi humb sulmuesin, Inzaghi: Ndaj Atalantës ishim të shkëlqyer

3 Janar 2025, 17:48, Sport CNA

Interi siguroi finalen e Superkupës së Italisë, pas një paraqitje të shkëlqyer ndaj Atalantës në gjysmëfinale, ku triumfuan me shifrat 2-0.

Megjithatë ky sukses, nuk ka kaluar pa pasoja për ziklatërit. Markus Turam rrezikon të mungojë në finalen e madhe.

Francezi shfaqi probleme muskulore dhe dhe është në dyshim për sfidën e 6 janarit. Trajneri Simone Inzaghi pranoi problemet e lojtarit, ndërsa tha se do të vlerësohet në ditët në vijim.

Duke folur për ndeshjes, trajneri i kampioënve u shfaq shumë i lumtur, duke thënë se skuadra e tij bëri paraqitje të shkëlqyer ndaj një kundërshtari të vështirë.

“Ishim të shkëlqyer kundër një kundërshtari me vlera absolute. Interi i përballoi të dyja pjesët me qasje prej një skuadre të madhe. E siguruam finalen me lojë të përqendruar dhe teknike. Krijuam shumë kundër Atalantës, si kurrë më parë. Portieri bëri shumë ndërhyrje vendimtare, që na penguan të shënonim golin e tretë.

Duhej ta mbyllnim ndeshjen më herët, por pas një performance të tillë është e vështirë t’iu bësh vërejtje djemve. Jam shumë i kënaqur, sepse nuk është kurrë e lehtë me udhëtime dhe ndeshje kaq të shumta të arrish të japësh gjithçka, me vendosmëri dhe agresivitet. Bëmë më mirë se çdo pritshmëri më optimiste.

Kjo është mënyra jonë e lojës, ku mbrojtësit japin pasime dhe vazhdojnë aksionin. Megjithatë, Dumfries nuk është risi në zonën e golave. Ai është i aftë si me ne, ashtu edhe me Holandën. E gjithë skuadra ishte e shkëlqyer, sepse të krijosh kaq shumë kundër Atalantës nuk është kurrë e lehtë.

Në disa raste, Lautaro u përball me pritje të shkëlqyera nga portieri i Atalantës. Ne varemi shumë nga sulmuesit tanë dhe puna e tyre. Ata janë jashtëzakonisht të rëndësishëm për lojën tonë, pavarësisht nga golat, të cilët janë të rëndësishëm, por më pak sesa rezultati përfundimtar”, u shpreh Inzagi.

Në finalen e Superkupës, Interi do të përballet me fituesin e çiftit Juventus-Milan.