web counter
LEXO PA REKLAMA!

SHKARKO APP

App Store
Google Play

E fundit!

x

Gvozdenoviç: Dua ta mbyll pa humbje, rinovimi në dorën e Takajt

30 Prill 2023, 12:03, Sport CNA

Ivan Gvozdenoviç është i qetë dhe ka shprehur hapur dëshirën për të drejtuar Skënderbeun edhe në Superiore. Trajneri i bardhekuqve nuk do të nxitojë duke ia lënë fundit të sezonit radhën e diskutimeve. Fillimisht kërkon ta mbyllë me triumf këtë kampionat, duke mbajtur 0 kolonën e humbjeve.

“Unë që pas ndeshjes me Turbinën e thashë se e dua rinovimin. Drejtimi i ekipit në Superiore do të më bënte krenar. Atje është habitati ynë natyral. Megjithatë, nuk dua të ngutem apo të vë në presion presidentin.

Ne kemi marrëdhënie shumë të mira dhe ju e dini sa korrekt është ai, mbi të gjitha me trajnerët. Kështu që jam i qetë. Për rinovimin dua të flas pasi të kem përmbyllur me sukses kampionatin.

Na kanë mbetur dhe dy javë dhe dua që përqendrimi të jetë maksimal në këto dy ndeshje. Le të fitojmë titullin dhe të mbyllim pa humbje aventurën në këtë kategori për sezonin që kur unë jam në krye të ekipit. Me pas do të ulemi dhe do të flasim për gjithçka”, u shpreh i qetë Ivan Gvozdenoviç në prononcimin e tij për gazetën.





Lajmet e fundit nga