web counter
LEXO PA REKLAMA!

SHKARKO APP

App Store
Google Play

Interi, 2 milionë euro për kokën e “Djallit”

29 Prill 2023, 18:24, Sport CNA

Interi, 2 milionë euro për kokën e “Djallit”

Për të rikthyer ngjyrat zikaltër në finalen e Champions-it, Interi duhet të kalojë përmes flakëve kuqezi të Milanit. Këtë e dinë mirë futbollistët e Interit, e di më mirë presidenti i klubit, Stiven Zhang.

Për djemtë e Simone Inzagit nuk do të jetë një mision i lehtë, duke qenë se përveç Ligës së Kampioneve dhe betejës 180 minutëshe mes datave 10 dhe 16 maj në “San Siro”, zikaltrit kanë edhe një muaj kohë në dispozicion për të parakaluar Milanin në renditjen e Serisë A dhe për t’u rikthyer në komfortin ekonomik që të ofron zona Chamnpions.

Dhe kjo është një pikë fikse në kokën e Stiven Zhang, i cili shpreson që të hyjë në histori si presidenti i tretë më fitues, pas Anxhelo dhe Masimo Moratit. Por për të kërkuar arritje të mëdha shpesh nevojiten edhe stimuj të mëdhenj, edhe kur bëhet fjalë për multimilionerë si Lukaku me shokë. Prandaj, për të rritur disi më shumë adrenalinën në pritje të sfidës së parë të 10 majit, Stiven Zhang ka vendosur që të hapë thesin.

Ai ka vënë 2 milionë euro premio në dispozicion për futbollistët dhe stafin teknik, ose e thënë ndryshe 50 mijë euro për kokë për secilin nga stafi zikaltër. Kjo është e njëjta shumë që Zhang i ka shpërndarë skuadrës edhe për kualifikimin përballë Portos dhe Benfikës dhe shpresohet që edhe këtë herë të sjellë sërish rezultatin e pritur. Arritja në finalen e Champions-it është një detyrim për Interin, pasi vjet lëshoi fronin kundrejt Milanit, ndërsa sivjet ka dalë në mënyrë të papritur edhe jashtë zonës Champions, në Serinë A.

 





Lajmet e fundit nga