web counter
LEXO PA REKLAMA!

SHKARKO APP

App Store
Google Play

E fundit!

x

Bylis bie në Ballsh, Laçi “prek” Europën falë një 19-vjeçari

29 Prill 2023, 17:01, Sport CNA

Laçit i mjafton nga një gol për pjesë për të marrë tre pikët në transfertën e Ballshit. Bardhezinjtë u rikthyen tek fitorja pas barazimit të javës së shkuar duke fituar 0-2 ndaj Bylisit e duke “prekur” Europën. Kurbinasit regjistruan të katërtën ndeshje pa humbje në Superiore dhe tashmë arrijnë në kuotën e 43 pikëve, duke barazuar përkohësisht Egnatian e vendit të tretë.

Në stadiumin “Adush Muça” nuk munguan rastet, me Bylisin që ishte më kërkues dhe ngacmonte më tepër në portën e Laçit, megjithatë kurbinasit u mbrojtën mirë, duke shmangur disa herë rrezikun . Pak pa u mbushur gjysmë ore lojë, Barjamaj shërbeu saktë për Bibon, i cili arriti të godiste saktë brenda zone, duke kaluar të tijtë në avantazh. Ndeshja e dytë në Superiore për 19-vjeçarin dhe e para si titullar, i cili bën një debutim fantastik. Në fundin e ndeshjes Babatunde shënoi dhe të dytin për kurbinasit, të cilët morën një fitore shumë të rëndësishme.

Në pjesën e dytë Bylis kishte më shumë iniciativë, ndërkohë që bardhezinjtë tentuan përmes kundërsulmeve, por deri në fund rezultati nuk ndryshoi më. Laçi marshon drejt Europës dhe në javët e fundit tani do të provojë që të harrojë atë pjesë të parë të sezonit ku nisi nisi të mendonte për mbijetesën. Bylis komplikon akoma dhe më shumë pozitën e saj duke mbetur në zonën e rënies me 33 pikë, e do i duhet të bëjë të pamundurën që në 5 javët e fundit së paku të shmangë rënien direkt nga Kategoria Superiore.





Lajmet e fundit nga