web counter
LEXO PA REKLAMA!

SHKARKO APP

App Store
Google Play

E fundit!

x

Napoli pret titullin, tifozë nga 70 vende të botës sjellin 18 milionë euro për 48 orë

29 Prill 2023, 21:50, Sport CNA

Napoli pret titullin, tifozë nga 70 vende të botës sjellin 18

Napoli është përgatitur për festë! Madje, e gjithë bota është përgatitur për festë dhe këtë e tregojnë qartë numrat që raportohen. 250 mijë turistë nga e premtja në të shtunë kanë zbarkuar në aeroportin e qytetit bregdetar, aq sa kanë pushtuar të gjitha hotelet.

Dhe të mendosh që edhe skuadra e Napolit është detyruar që të qëndrojë në qendrën stërvitore, sepse nuk ka mundur të gjejë një hotel të lirë për grumbullimin, përpara sfidës me Salernitanën, e cila shpresohet të sjellë edhe festën e pritur gjatë, shumë gjatë... Pas 33 vitesh qyteti mund të ringjallë kujtimet e festës së Diego Armando Maradonës, legjendës që nuk mungon i skalitur në asnjë cep të Napolit, duke qenë se edhe kjo festë është e lidhur me kujtimin e numrit 10 më të madh që ka njohur historia e këtij klubi.

Por ky titull kampion i Napolit, i treti në historinë e tij, nuk i bën një reklamë vetëm kësaj skuadre, por do ta bëjë dyfish më të bukur edhe festën e bizneseve vendase. Kjo, pasi përllogaritjet thonë se vetëm këtë fundjavë pritet që tifozët e ardhur nga e 70 vende të ndryshme të botës të shpenzojnë vetëm në këto 48 orë që shpresohet të paraprijnë festën e madhe 18 milionë euro. Një tjetër shifër thotë se vetëm në muajin e fundit, janë shpenzuar 54 milionë euro vetëm në asete që lidhen me logon e skuadrës së Napolit.





Lajmet e fundit nga