Da Silva dhe Hoti gëzojnë Partizanin, Erzeni rrezikon seriozisht zbritjen në zonën e ftohtë

29 Prill 2023, 19:58, Sport CNA

Erzeni-Partizani 0-2 (Da Silva 60’, Hoti 86’)

Partizani ka arritur të marrë një fitore me vuajtje në transfertë ndaj Erzenit me rezultatin 2-1. “Demat e kuq” realizuan dy herë në pjesën e dytë me anë të Da Silvas dhe me Engjëll Hotin, ndërsa shijakasit në fund nga pika e bardhë me Kahrimanovic.

Momentalisht, skuadra e Colellas gjendet vetëm 2 pikë larg Tiranës kryesuese që ka një ndeshje më shumë për të luajtur. Nga ana tjetër, Erzeni duhet t’i frikësohet Kukësit, në rast se këta të fundit fitojnë nesër, shijakasit zbresin në vendin e 8-të.

99’ GOOOOOL! Amir Kahrimanovic nuk gabon nga pika e bardhë duke mposhtur Rexhepin, edhe pse ky i fundit i gjeti krahun

95’ Kovaçi rrëzohet në zonë nga Atanaskoski dhe gjyqtari ka akorduar 11-metërsh

90’ Akordohen 5 minuta shtesë

86’ GOOOOOL! Shënon sërish Partizani. Engjëll Hoti realizon për miqtë edhe pse skuadra e tij mbeti me një lojtar më pak

83’ “Demat e kuq” mbeten me 10 lojtarë. Sota ndërhyn ndaj Nonatos në kundërsulm dhe ndëshkohet me kartonin e dytë të verdhë

82’ Partizani gjendet në sulm për të kërkuar sërish një gol

76’ Kadriu kalon bukur në zonë Murataj, por në fund rrëzohet dhe pretendon për 11-metërsh

72’ Da Silva nis një top të gjatë për Mba, por Xhika del dhe largon topin

66’ Erzeni kërcënon Partizanin me një krosim nga e djathta që prek traversën

62’ Super mundësi për kryeqytetasit me Rrapaj, i cili nuk arrin dot të realizojë nga pak metra larg portës

60’ GOOOOOL! Partizani kalon në avantazh me Da Silvan. Sulmuesi u shërbye mjaft mirë në zonë pas një krosimi dhe nuk e pati aspak të vështirë të mposhtë Xhikën

53’ Mba provon me një goditje të lehtë drejt portës së shijakasve

49’ Da Silva futet bukur në zonë dhe kroson, por lojtarët e Erzenit largojnë rrezikun

46’ Nis pjesa e dytë në Durrës, ekipet në kërkim të golit të parë

Përfundon pjesa e parë në “Niko Dovana” me rrjeta të paprekura

45′ Akordohen 3 minuta shtesë

45’ Erzeni sërish në sulm me Ademin, goditja e tij me kokë ndalet pa problem nga Rexhepi.

42’ Osmanllari tenton të zërë në befasi Rexhepin, por tentativa e tij shkon jashtë kuadratit

39’ Nonato provon të përfitojë brenda zonës, por Telushi largon topin nga zona

33’ Da Silva shërbehet me një top nga pas, të cilin e kontrollon mirë Xhika

29’ Kadriu niset në kundërsulm për Erzenin, por merr një ndërhyrje nga pas dhe ndalet

24’ Leao ka marrë një goditje në kokë dhe momentalisht është jashtë fushave të lojës

19’ Spektakolar Bekim Rexhepi. Portieri i Partizanit i mohon golin vendasve në dy goditje të njëpasnjëshme

16’ Preka largon një top që po shkonte drejt portës së Partizanit

12’ Mundësia e parë për të kuqtë, Mba provon të kalojë portierin Xhika, por gardiani i Erzenit devijon topin në këndore

11’ Kahrimanovic tenton drejt portës së Partizanit, topi bllokohet nga kundërshtarët

6’ Murataj nis një top të avancuar në të djathtë për Hadroj, por ky i fundit nuk e shfrytëzon dot

1’ Starton takimi në “Niko Dovana”

Erzeni pret në “Niko Dovana” Partizanin e vendit të dytë për të luajtur një takim të vlefshëm për javën e 31-të të “Abissnet Superiore”. Skuadra shijakase kërkon të dalë me pikë nga ky takim pasi ndodhet vetëm 2 pikë larg zonës së ftohtë.

Nga ana tjetër, “demat e kuq” vijojnë ndjekjen ndaj Tiranës kryesuese, e cila është 5 pikë para tyre. Ekipit të Colellas nuk i lejohen më hapa fals, sepse nëse lënë pikë pas, bardheblutë afrohen më shumë me titullin.