web counter
LEXO PA REKLAMA!

SHKARKO APP

App Store
Google Play

Sulmet në Gaza, kombëtarja e njohur refuzon të luajë me Izraelin

19 Dhjetor 2024, 19:34, Sport CNA

Sulmet në Gaza, kombëtarja e njohur refuzon të luajë me

Kombëtarja e Norvegjisë ka refuzuar të luajë ndeshjet e planifikuara ndaj Izraelit, në kuadër të kualifikueseve të Botërorit.

Ky qëndrim i paprecedent vjen si përgjigje ndaj situatës në Gaza, ku sulmet e vazhdueshme kanë shkaktuar viktima dhe shkatërrime masive.

Presidentja e Federatës Norvegjeze të Futbollit, Lise Klavenes, shpjegoi vendimin duke theksuar se ai pasqyron jo vetëm ndjeshmërinë e futbollistëve dhe të stafit të kombëtares, por edhe pozicionin e qeverisë norvegjeze, e cila ka bërë thirrje për ndalimin e menjëhershëm të dhunës.

“Askush prej nesh nuk mund të qëndrojë indiferent ndaj asaj që po ndodh në Gaza. Jemi në të njëjtën linjë me qeverinë norvegjeze në thirrjen për ndalimin e sulmeve ndaj njerëzve të pafajshëm. Situata është komplekse, dhe fakti që Izraeli është pjesë e garave të UEFA-s e bën këtë çështje më të ndërlikuar. Gjithsesi, ne po e ndjekim nga afër situatën me FIFA-n, UEFA-n dhe autoritetet norvegjeze për të vendosur hapat e mëtejshëm.”, deklaroi Klavenes.

Vendimi i Norvegjisë vjen si një sinjal i fortë solidariteti me popullin palestinez, duke e vendosur në qendër të vëmendjes ndikimin e politikës në botën e sportit. Kjo lëvizje mund të ketë pasoja të gjera për futbollin ndërkombëtar, duke krijuar precedent për federata të tjera që mund të ndjekin një qëndrim të ngjashëm.

Përveç ndikimit të mundshëm në marrëdhëniet midis federatave, refuzimi për të luajtur mund të sjellë penalitete nga FIFA ose UEFA, duke përfshirë gjoba financiare apo masa të tjera disiplinore.





Lajmet e fundit nga