web counter
LEXO PA REKLAMA!

SHKARKO APP

App Store
Google Play

Skënderbeu, për fitore ndaj Elbasanit. Gjoka: Si e mposhtim Gvozdenoviç-in

19 Dhjetor 2024, 15:31, Sport CNA

Skënderbeu, për fitore ndaj Elbasanit. Gjoka: Si e mposhtim

Skënderbeu kërkon të rikthehet te fitorja në kampionat dhe ta mbyllë vitin me një 3-pikësh, që mungon prej nëntë javësh.

Korçarët do të përballen me Elbasanin, në sfidën e javës së 19-të, aty ku përballë do të jetë ish-trajneri Ivan Gvozdenoviç.

Sipas teknikut Ernest Gjoka, te bardhekuqtë ka ardhur momenti për të bërë kthesën, ndonëse pranoi se nuk do të jetë e lehtë. Trajneri tha se ka shumë besim te skuadra dhe duhet gjithçka për gjithçka.

I pyetur për problemet në mbrojtje, Gjoka deklaroi se më shumë për shkak të çështjes mentale, prej mungesës së rezultateve.

Në Korçë rikthehet Gvozdenoviç, i cili e njeh mirë skuadrën, por Gjoka u shpreh se në rast se ekipi dëshiron suksesin, mund t’ia dalë.

“Është momenti që gjërat të kthehen. Në këtë fushë nuk ka asgjë të ;ehtë. Futbolli është i paparashikueshëm. Na duhet besimi që dimë të bëjmë gjëra të mira, sepse skuadra e tregoi këtë. Kundërshtar kemi trajnerin që ka qenë në këtë skuadër dhe i njeh mirë futbollistët tanë, por futbolli është një lojë që nëse do të kalosh me sukses, mund t’ia dalësh edhe pse trajneri kundërshtar, ka qenë ish-trajner i Skënderbeut”, u shpreh Gjoka.

Ndeshja Skënderbeu-Elbasani do të luhet në Korçë këtë të premte, duke nisur nga ora 16:30. 





Lajmet e fundit nga