web counter
LEXO PA REKLAMA!

SHKARKO APP

App Store
Google Play

Egnatia-Partizani për titull, Tetova: Jemi rast i rrallë, nuk flas për kundërshtarin

25 Maj 2024, 14:17, Sport CNA

Egnatia-Partizani për titull, Tetova: Jemi rast i rrallë, nuk flas

Kjo e diel rezervon ndeshjen më të rëndësishme të sezonit në Superiore, Egnatia-Partizani, e vlefshme për titullin kampion.

Në prag të kësaj përballje, trajneri i Egnatias, Edlir Tetova, foli në konferencë për shtyp.

Tetova deklaroi se ka keqardhje, për faktin se ekipi i tij ka kryesuar gjithë sezonin dhe titullin do ta vendosë ndeshja e së dielës. Sipas tij, ekipi rrogozhinas është gati dhe me entuziazëm.

“Na vjen keq sepse kemi udhëhequr që nga java e 3-të. Skuadra është maksimalisht e përqendruar dhe ne kemi përgatitur gjithçka në detaje dhe besoj që do të bëjmë më të mirën. Gjithçka është e detajuar, pasi është finale. Lojtarët do të luajnë me të gjitha forcat e tyre.

Nuk dua të flas për pjesët e dobëta të Partizanit. Gjithkush merr masat e tij. Nuk do të hiqja asnjë lojtar te Partizani, pasi mendoj vetëm për ekipin tim dhe të japim maksimumin. Nuk besoj se vlen eksperienca. Është një format i ri dhe gjithçka e re. Ekipi im pas Kupës ka një entuziazëm dhe jam i bindur se do të japim më të mirën.

Është rast i rrallë që për 1 vit të prekësh 4 finale. Kjo i bën mirë ekipit të luajë në finale. Finalet janë për lojtarët dhe unë mendoj se strategjitë janë të pranishme. Janë dy skuadrat që kanë përfunduar të parët dhe të dytën në Superiore.”, deklaroi Tetova.





Lajmet e fundit nga