web counter
LEXO PA REKLAMA!

SHKARKO APP

App Store
Google Play

E fundit!

x

Seria A "vlon" për trajnerë/ Milani zgjedh "timonierin", Conte te Napoli

25 Maj 2024, 12:42, Sport CNA

Seria A "vlon" për trajnerë/ Milani zgjedh

Ndryshe nga vitet e kaluara, në Itali, çështjet më të nxehta aktualisht janë ato për trajnerët. Disa nga klubet pretendente ende nuk kanë vendosur për timonierët që do t'i drejtojnë në sezonin e ardhshëm.

Milani zyrtarizoi largimin e teknikut Stefano Pioli, por ende nuk është afruar trajneri i ri. Sipas të gjitha raportimeve, kuqezinjtë kanë zgjedhur një portugez për stolin.

Bëhet fjalë për Paulo Fonseca, trajnerin aktual të Lilës në Francë. Marrëveshja mes palëve, mungon ende, por gjithçka duket në rrugën e duhur. Stili me futboll sulmues nga 51-vjeçari pëlqehet shumë te Milani dhe për këtë arsye, e kanë zgjedhur që t'i besojnë timonin e ekipit.

Fonseca e njeh mirë Serinë A, aty ku në të kaluarën ka drejtuar Romën. Rezultatet me verdhekuqtë nuk kanë qenë ato që priteshin dhe për këtë arsye, tifozët e Milanit, nuk janë plotësisht të kënaqur.

Megjithatë, drejtuesit duken të vendosur dhe nuk kanë ndërmend ta ndryshojnë objektivin për stolin.

Një nga emrat e përfolur në të kaluarën për stolin kuqezi, ishte edhe Antonio Conte, por trajneri italian, duket se do të jetë rival i Milanit për sezonin e ardhshëm.

54-vjeçari është afër Napolit. Presidenti i të kaltërve, Aurelio de Laurentiis, ka avancuar në bisedimet me Conte-n dhe akordi duket afër.

Në takimin e fundit, tekniku italian uli pretendimet e tij financiare dhe dëshiron të marrë drejtimin e ish-kampionëve të Italisë.

Opsion për stolin, janë edhe Pioli me Gasperini-n, por ky i fundit vështirë se pranon, për shkak se është në bisedime me Atalantën, për të rinovuar kontratën. Puna e shkëlqyer, ku së fundmi fitoi Ligën e Europës, ka bindur drejtuesit, për t'i ofruar zgjatjen e bashkëpunimit.





Lajmet e fundit nga