web counter
LEXO PA REKLAMA!

SHKARKO APP

App Store
Google Play

Ofertë 175 milionë euro/ Klubi saudit, gati të bëjë "çmenduri" për Leao-n

24 Maj 2024, 11:47, Sport CNA

Ofertë 175 milionë euro/ Klubi saudit, gati të bëjë

Pas merkatos së bujshme një vit më parë, duke afruar lojtarë me emër nga Europa, tek arabët e Al Hilal nuk kanë ndërmend të ndalen.

Drejtuesit sauditë po përgatiten për lëvizje të tjera të mëdha në merkaton e verës. Një nga objektivat e klubit është ylli i Milanit, Rafael Leao.

Sipas asaj që raportojnë mediat portugeze, klubi i Al Hilal-it është gati të paguajë klauzolën e largimit te Milani.

Leao shihet si një nga lojtarët më të rëndësishëm te skuadra italiane dhe nuk duan ta shesin. Megjithatë, tek Al Hilal kanë gati 175 milionë euro, aq sa është edhe klauzola e largimit.

Në rast se klubi nga Arabia Saudite paguan klauzolën, atëherë te Milani e kanë të pamundur për ta ndalur lojtarin.

Gjithçka kalon në dorën e vetë Leaos, që mund të vendosë të largohet ose të qëndrojë te nënkampionët e Italisë.

Al Hilal synon të fitojë Kupën e Botës për klube dhe për këtë arsye, drejtuesit duan të krijojnë një skuadër me emra të mëdhenj, për të rivalizuar ekipet elitare.

Leao përfiton një pagë prej 7 milionë eurosh te Milani dhe klubi arab për ta bindur është gati t’ia trefishojë të ardhurat.

Në rast transferimi tek Al Hilal, sulmuesi portugez do të gjente aty emra të njohur për futbollin evropian, si Bono, Koulibaly, Milinkoviç-Saviç, Neves, Malcom dhe Mitroviç.

Gjithashtu në Superligën arabe, Leao do të përballej edhe me bashkëkombësin e tij, Cristiano Ronaldo, i cili është pjesë e skuadrës së Al Nassr.





Lajmet e fundit nga