web counter
LEXO PA REKLAMA!

SHKARKO APP

App Store
Google Play

"Luftë" për talentin shqiptar/ E kërkojnë tri klubet e mëdha evropiane

23 Maj 2024, 11:29, Sport CNA

"Luftë" për talentin shqiptar/ E kërkojnë tri

Brajan Gruda mbylli një sezon shumë të mirë me skuadrën e Mainz-it në Bundesligën gjermane dhe po përgatitet për një aventurë të re.

Sulmuesi i djathtë ka spikatur me formën e tij dhe paraqitjet e shkëlqyera nuk kanë kaluar pa u vënë re nga klubet e mëdha.

Sipas raportimeve që vijnë nga Gjermania, në gjurmët e 19-vjeçarit janë vënë disa skuadra të njohura. Në Bundesligë, Gruda pëlqehet shumë nga Bayer Leverkusen dhe Borussia Dortmund.

Të dyja këto klube njihen për hapësirat që u japin të rinjve dhe në listën e tyre për merkaton e verës kanë futbollistin me origjinë shqiptare.

Vlera e lojtarit është 10 milionë euro, një shifër kjo e përballueshme për ekipet e interesuara.

"Luftë" për talentin shqiptar/ E kërkojnë tri

Megjithatë, Grudën nuk e duan vetëm në Gjermani. Pëlqim për të ka shfaqur edhe skuadra e Liverpool-it nga Premier League.

Klubi anglez është në kërkim të një sulmuesi të djathtë dhe Gruda duket si profili i duhur për atë rol, për më tepër kushton pak për arkat. 

Duke parë interesimet e shumta, te klubi i Mainz-it kanë nisur të fërkojnë duart, pasi duan të arkëtojnë sa më shumë të jetë e mundur.

Gruda ka qenë pjesë e ekipeve të moshave te Gjermania, por ende nuk ka luajtur me kombëtaren e parë të "Pancerave".

Duke parë këtë situatë, trajneri i Shqipërisë, Silvinjo, ka kontaktuar sulmuesin 19-vjeçar për ta bindur që të zgjedhë Kombëtaren kuqezi.

Tekniku brazilian e pëlqen shumë Grudën dhe shpreson ta ketë në Europian, me lojtarin që ende nuk ka kthyer përgjigje. 





Lajmet e fundit nga