web counter
LEXO PA REKLAMA!

SHKARKO APP

App Store
Google Play

E fundit!

x

Gjimshiti, në "qiellin e shtatë": Nuk e kuptoj çfarë kemi bërë

23 Maj 2024, 11:26, Sport CNA

Gjimshiti, në "qiellin e shtatë": Nuk e kuptoj

Berat Gjimshiti shënoi emrin e tij në historinë e klubit të Atalantës. Mbrojtësi shqiptar ishte kapiten i skuadrës italiane në finalen e Europa Ligës, aty ku fituan edhe Kupën.

Ky është trofeu i parë në historinë e klubit të Atalantës dhe emrin aty e ka shënuar edhe Gjimshiti, i cili përveç paraqitjeve të shkëlqyera, do të mbahet mend edhe si kapiteni që ngriti kupën.

31-vjeçari bëhet gjithashtu shqiptari i parë që fiton Europa Ligën. Pas finales, mbrojtësi u shfaq shumë i lumtur dhe i emocionuar për këtë arritje të madhe.

“Nuk po e kuptoj çfarë bëmë. Është e vështrië për të gjetur fjalët. Një sukses kaq i madh pas një finaleje të humbur, është i pabesueshëm. Nuk më interesojnë më 3 finalet e humbura. Jam krenar për shiritin e kapitenit, e mësova vetëm pak para ndeshjes që do ta mbaja unë. Nuk kishte shumë histori sa i përket ndeshjes, luajtëm shumë mirë.

Tifozët e meritonin këtë sukses. Nuk e kisha imagjinuar kurrë kështu. Kur kam ardhur këtu, objektivat kanë qenë të ndryshëm. Ne luanim për mbijetesë. Gasperini solli një filozofi të re. Ai gjithmonë kërkon të përmirësojë lojtarët që të japin më të mirën e tyre. Të gjithë e meritojmë këtë arritje”, deklaroi Gjimshiti. 

Për këtë arritje, Gjimshiti ka marrë edhe një urim nga presidenti i Federatës Shqiptare të Fubtollit, Armand Duka, i cili në postimin e tij thotë se shpreson që lojtari që vazhdojë kështu edhe në Europian me Shqipërinë.

“Çfarë krenarie kur sheh kapitenin tonë, Berat Gjimshitin, të triumfojë në Europa Ligë dhe të ngrejë lart trofeun si kapiten i Atalantës.

Urime Berat dhe urime Atalantës. Ishte një sezon fantastik, që uroj të vazhdojë edhe me Kombëtaren në Europian”, shkruan Duka. 

Përveç Atalantës, Berat Gjimshiti mban shiritin e kapitenit edhe te Shqipëria, aty ku është kthyer në një lider të padiskutueshëm.  





Lajmet e fundit nga