web counter
LEXO PA REKLAMA!

SHKARKO APP

App Store
Google Play

Dinamo përgatit revolucionin, zbulohen lëvizjet në merkato

24 Maj 2024, 11:49, Sport CNA

Dinamo pritet të jetë një nga klubet më aktive në merkaton e verës. Pasi dështuan të futen në “Final Four”, drejtuesit kanë vendosur të bëjnë ndryshime të shumta në çdo repart.

Lëvizjet në fakt në skuadër kanë nisur, ndonëse merkatoja nuk është hapur ende. Katër lojtarëve u ka përfunduar kontrata dhe janë larguar nga ekipi dinamovit.

Bëhet fjalë për mbrojtësin e djathtë, Albion Marku, atë të majtë, Ilir Allmuça, sulmuesin Patrik Bardhi dhe Bamba.

Këta lojtarë kanë dalë të lirë në treg dhe po shikojnë për një aventurë të re. Për Markun është përfolur për interesime nga jashtë, por nuk përjashtohet mundësia që të qëndrojë në Superiore, aty ku gjithashtu e duan disa ekipe.

Në dyshim është edhe e ardhmja e disa prej lojtarëve të rëndësishëm për këtë sezon, si Lorenco Vila dhe braziliani Denison. Në prag largimi duket gjithashtu portieri Rexhepi, i cili ka humbur kontaktet me fushën prej kohësh.

Dinamo përgatit revolucionin, zbulohen lëvizjet në merkato

Sa u përket afrimeve, ende nuk ka asnjë lojtar të ri në ekip, por drejtuesit po studiojnë disa alternativa.

Klubi po kërkon dy zëvendësues për krahët e mbrojtjes, aty ku aktualisht janë vetëm Meksi në të djathtë dhe Lorran në të majtë.

Fokusi më i madh do të jetë edhe në mesfushë, aty ku nevojiten një numër 6 dhe një lojtar numër 10.

Ditët e para të verës pritet të jenë vendimtare, pasi synimi është që ekipi të ndërtohet sa më shpejt, në mënyrë që të jetë gati për fazën përgatitore para nisjes së kampionatit, aty ku në sezonin e ri synimet do të jenë madhore.





Lajmet e fundit nga