web counter
LEXO PA REKLAMA!

SHKARKO APP

App Store
Google Play

E fundit!

x

Bologna-Milan do të luhet, 3 hipoteza se ku dhe kur mund të zhvillohet

25 Tetor 2024, 11:14, Sport CNA
Bologna-Milan do të luhet, 3 hipoteza se ku dhe kur mund të zhvillohet
Stadiumi Dall'Ara

Ndeshja mes Bologna-s dhe Milan-it, e planifikuar për të shtunën në orën 18:00 do të luhet, por ndoshta jo në "Dall'Ara” për shkak të motit të keq.

Kryetari i bashkisë së Bologna, Matteo Lepore, nënshkroi një urdhëresë të enjten duke kërkuar që ndeshja të shtyhet. Vendimi u mor për shkak të parashikimeve të motit dhe faktit se zona ku ndodhet stadiumi u godit më shumë nga përmbytjet e fundit.  

Ndeshja, thotë urdhëresa, mund të krijojë probleme të rendit publik, megjithatë sipas raportimeve të medieve italiane kryebashkiaku nuk ka fuqinë për të shtyrë një ndeshje dhe Serie A kërkon që ajo të luhet qoftë në “Dall'Ara” me dyer të mbyllura ose në një fushë neutrale.

Një nga mundësitë për t’u luajtur në fushë neutrale është qyteti i Como-s, po edhe aty me dyer të mbyllura, pasi koha për të vendosur biletat në shitje është shumë e shkurtër.

Serie A ka arritur tashmë një marrëveshje me të gjitha autoritetet për ta zhvendosur ndeshjen në stadiumin “Giuseppe Sinigaglia”.

Në fakt, ndeshja nuk është shtyrë zyrtarisht dhe në këtë pikë ka tri hipoteza:

- Ndeshja mund të luhet në terren neutral, në Como, pas dyerve të mbyllura me urdhër të Serie A.

- Ndeshja mund të luhet të shtunën në orën 18:00 në Bologna, por me dyer të mbyllura.

- Teksa mundësia e tretë është që Bologna të humbiste nëse “Dall'Ara”, e cila aktualisht është e përdorshme, nuk do të ishte në dispozicion për ndeshjen.

Megjithatë, ende pritet vendimi për këtë ndeshje që sipas gjasave do të luhet ditën e shtunë, pasi te Seria A nuk pranojnë një shtyrje në datë për shkak të kalendarit shumë të ngjeshur./CNA





Lajmet e fundit nga