web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia-Partizani, rikthim i rëndësishëm te shkodranët

24 Tetor 2024, 16:28, Sport CNA

Vllaznia-Partizani, rikthim i rëndësishëm te shkodranët


Vllaznia do të përballet me Partizanin të shtunën, në sfidën e vlefshme për javën e 10-të në Superiore. Shkodranët kërkojnë të rikthehen të fitorja, por nuk do të jetë e lehtë.

Për kuqeblutë, ende nuk është e sigurt prezenca e njërit prej titullarëve kryesorë. Bekim Balaj humbi ndeshjen e fundit ndaj Laçit, për shkak të një tërheqje muskulore. Frika ishte e madhe, për një mungesë të gjatë, por dëmtimi duket më pak serioz.

Mësohet se Balaj ka kryer 4 seanca fizioterapie në Serbi dhe më pas është kthyer në Shkodër për të qenë gati të provojë seancën e parë stërvitore, jo me ngarkesë të plotë.

33-vjeçari nuk ka më probleme më kofshë dhe shpreson të jetë i gatshëm për sfidën ndaj Partizanit në kampionat.

Sa i përket pjesës tjetër, te Vllaznia është rikuperuar mesfushori Ardit Deliu, që shihet si një forcë e shtuar për shkodranët. Mbetet për t’u parë se çfarë do vendoset, pasi mesfushori mungon prej gjashtë ndeshjesh, ndërsa në javët e para ishte titullar i padiskutueshëm.

Situata nuk është e qetë as te Partizani. Tre lojtarë kanë probleme fizike dhe do të duhet të punojnë për tu rikthyer në kohë.

Më shqetësuesja është gjendja e Pano Qirkos. Portieri u pa të vinte dorën në pjesën e kofshës kundër Elbasanit dhe luajti vetëm një pjesë loje.

Problem muskulor shfaqi edhe Anteo Osmanllari, i cili la fushën i detyruar pas minutës së 60- të. Ai nuk e rrezikon Vllazninë, ashtu siç nuk e rrezikon as Andi Hadroj. Pukjani mungoi kundër Elbasanit për shkak të një shqetësimi në gju, por me Vllazninë pritet të jetë i gatshëm.





Lajmet e fundit nga