web counter
LEXO PA REKLAMA!

SHKARKO APP

App Store
Google Play

Besiktas bën "pazar" me Muçin, refuzohet oferta 20 milionë euro

15 Maj 2024, 12:30, Sport CNA

Besiktas bën "pazar" me Muçin, refuzohet oferta 20

Ernest Muçi është një nga legjionarët më të përfolur, për të ndryshuar ekip në merkaton e verës.

Fantazisti shqiptar po bën shumë mirë në Turqi, me fanellën e Besiktas, aty ku u transferua në dimër, nga polakët e Legia Varshavë.

Aston Villa e ndjek prej kohësh 23-vjeçarin dhe ka bërë ofertën e parë. Klubi anglez, thuhet se ka ofruar 20 milionë euro për shërbimet e Muçit.

Ndonëse shifra është dyfish më e lartë se ajo që Besiktas e bleu, përsëri klubi turk ka vendosur të refuzojë ofertën.

Bardhezinjtë janë të bindur se në verë mund të përfitojnë më shumë dhe kanë ngritur pretendimet e tyre.

Turqit kërkojnë të paktën 30 milionë euro për të lënë të lirë Muçin dhe nuk do të pranojnë asnjë ofertë poshtë kësaj shume.

Gjithashtu, mediat turke raportojnë se drejtuesit e Besiktas-it, kanë vendosur të shtyjnë bisedime për në verë.

Ata janë të bindur se Muçi do të lërë shenjë në Europian me Shqipërinë dhe për këtë arsye, do të presin, për ta rritur edhe më shumë çmimin.

Te klubi turk, e kanë të sigurt që 23-vjeçari do të shitet në merkaton e verës dhe për këtë arsye duan të fitojnë sa më shumë të jetë e mundur.

Muçi numëron 15 ndeshje të luajtura në Turqi me Besiktas-in, ku ka shënuar 4 gola dhe është kthyer në titullar të padiskutueshëm.





Lajmet e fundit nga