web counter
LEXO PA REKLAMA!

SHKARKO APP

App Store
Google Play

Finalja e Kupës/ Kukësi dhe Egnatia “përplasen” për trofeun

14 Maj 2024, 13:28, Sport CNA

Finalja e Kupës/ Kukësi dhe Egnatia “përplasen”

Mbrëmjen e kësaj të marte do të luhet finalja e Kupës së Shqipërisë, mes Kukësit dhe Egnatias, në stadiumin “AirAlbania”.

Përballë do të jenë skuadrat me dy pozicionet të kundërta, sa i përket renditjes së kampionatit.

Rrogozhinasit e mbyllën të parët dhe u futën në “Final Four”, ndërsa verilindorët u renditën të fundit dhe do të luajnë në Kategorinë e Parë për sezonin e ardhshëm.

Fitimi i Kupës do të ishte shpëtimi i vetëm për Kukësin këtë sezon dhe do të kërkojnë me çdo kusht ta arrijnë.

Në krahun tjetër, Egnatia do të kërkojë trofeun, për të dytin vit radhazi. Një sukses i skuadrës së Tetovës, do të lumturonte gjithashtu edhe Tiranën, që do të kualifikohej në Evropë, si skuadra e katërt në Shqipëri, për shkak të dënimit të Skënderbeut.

Do të jetë një ndeshje e bukur dhe e luftuar nga të dyja ekipet, në këtë fundkampionati. Dy ekipet, janë përballur katër herë gjatë këtij sezoni në Superiore dhe në të katërta rastet, ka fituar skuadra rrogozhinase.

Në stadiumin “Air Albania”, pritet një numër i lartë tifozësh, kryesisht ata të Kukësit, që e shohin si momentin e vetëm për festë, pas një sezoni me vuajtje të mëdha.

Sa i përket Egnatias, rrogozhinasit kanë edhe dy ndeshje të tjera të rëndësishme, në “Final Four”.

Finalja e Kupës së Shqipërisë, mes Kukësit dhe Egnatias, do të luhet duke nisur nga ora 19:00 e kësaj të marte.





Lajmet e fundit nga