web counter
LEXO PA REKLAMA!

SHKARKO APP

App Store
Google Play

E fundit!

x

Hidhet shorti i "Final Four"/ Egnatia "peshkon" Vllazninë, Partizani sfidon Skënderbeun

13 Maj 2024, 12:13, Sport CNA

Hidhet shorti i "Final Four"/ Egnatia "peshkon"

Skuadrat e kualifikuara në "Final Four", mësuan kundërshtarët në gjysmëfinale, pas shortit të hedhur në ambientet e stadiumit "Air Albania".

Egnatia do të përballet me Vllazninë, ndërsa Partizani me Skënderbeun.

Ndeshja e parë gjysmëfinale do të jetë ajo mes Partizanit dhe Skënderbeut më 17 maj në orën 20:00, ndërsa sfida Egnatia-Vllaznia do të luhet dy ditë më vonë, më 19 maj, në të njëjtin orar.

Skuadrës rrogozhinase dhe të kuqve të kryeqytetit, iu mjafton barazimi për të kaluar në finale, për shkak se u renditën më mirë në kampionat.

Në krahun tjetër, Vllaznisë dhe Skënderbeut, u bën punë vetëm fitorja, pasi në të kundërt do të eliminoheshin.

Finalja e madhe për titullin kampion, është progarumar të luhet më 26 maj, në orën 19:00, ndërsa finalja e vogël për vendin e tretë, është programuar më 24 maj.

Priten të jenë përballje të forta dhe të luftuara, ku ekipet kanë vetëm një synim, titullin kampion.

Të gjitha ndeshjet e "Final Four", do të luhen në stadiumin "Air Albania".

Përveç titullit kampion, skuadra e vendit të parë në "Final Four", siguron edhe pjesëmarrjen në turin e parë kualifikues të Ligës së Kampioneve.

Vendi i dytë dhe i tretë, do të marrin pjesë në turin e parë kualifikues të Konferencë Ligë. Egnatia, Partizani dhe Vllaznia e kanë të siguruar pjesëmarrjen në Europë, për shkak se Skënderbeu është i dënuar nga UEFA.

Gjithashtu, katër skuadrat e kualifikuara në "Final Four", morën edhe fitime financiare. Egnatia e vendit të parë, do të arkëtojë 100 milionë lekë, Partizani 70 milionë, Vllaznia 50 milionë dhe Skënderbeu i katërti, 20 milionë lekë.

 

SI FUNKSIONON “FINAL 4”

Ekipet pjesëmarrëse

4 vendet e para të “Abissnet Superiore” në përfundim të kampionatit të rregullt.

Shorti

Ekipet ndahen në dy vazo, vazo 1 (vendi i parë dhe i dytë), vazo 2 (vendi i tretë dhe i katërt) dhe përmes shortit përcaktohen çiftet gjysmëfinaliste.

Gjysmëfinalet

Kalimi në finale përcaktohet në 90 minuta. Ekipet fituese kalojnë në finalen për titullin kampion. Në rast barazimi në gjysmëfinale, në finale kualifikohet ekipi i renditur në vendin e parë/dytë.

Finalet

Ekipet e kualifikuara nga gjysmefinalet luajnë për titullin kampion, ndërsa ekipet humbëse për vendin e tretë.

 

ÇFARË PËRFITOJNË KLUBET SPORTIVISHT

Vendi i parë në FINAL 4: Pjesëmarrje në turin e parë kualifikues të Champions League

Vendi i dytë në FINAL 4: Pjesëmarrje në turin e parë kualifikues të Conference League

Vendi i tretë në FINAL 4: Pjesëmarrje në turin e parë kualifikues të Conference League

Vendi i katërt në FINAL 4: Pjesëmarrje në turin e parë kualifikues të Conference League nëse Kupa e Shqipërisë fitohet nga një prej tre ekipeve të para në Final 4





Lajmet e fundit nga