web counter
LEXO PA REKLAMA!

SHKARKO APP

App Store
Google Play

Zhegrova në Serinë A/ “Luftë” mes klubeve të mëdha në Itali

14 Maj 2024, 13:31, Sport CNA

Pas paraqitjeve të shkëlqyera me fanellën e Lille, duket se sezoni aktual do të jetë i fundit për Edon Zhegrovën në Francë.

Për yllin e Kosovës, interesimet kanë qenë të shumta, ndërsa emri i tij shpesh është lidhur me klube të mëdha.

Sipas të gjitha gjasave, Zhegrova do të vazhdojë karrierën në Serinë A italiane. Juventusi dhe Napoli, e ndjekin prej kohësh sulmuesin dhe janë gati të bëjnë ofertat e tyre.

Megjithatë, këto dy klube nuk janë të vetmet që duan 25-vjeçarin. Sipas raportimeve të fundit që vijnë nga Italia, në gjurmët e lojtarit është vënë edhe Roma.

Klubi verdhekuq është në kërkim të një sulmuesi të djathtë dhe Zhegrova, duket si profili ideal për atë pozicion.

Futbollisti i Kosovës përshtatet shumë mirë me mënyrën e lojës që bën trajneri De Rossi dhe drejtuesit janë gati t’ia bëjnë dhuratë në merkaton e verës.

Duke parë interesimet e shumta, marrëveshja me Lille-n, nuk duket e lehtë. Klubi francez, kërkon të paktën 25 milionë euro, për ta lënë të lirë Zhegrovën.

Ditët e ardhshme, pritet të jenë vendimtarë për të ardhmen e lojtarit. Këtë sezon në Francë, Zhegrova i ka mahnitur të gjithë, duke qenë një nga lojtarë më të spikatur të kampionatit.

Futbollisti dardan, numëron 45 ndeshje zyrtare, ku ka shënuar 12 gola dhe ka asistuar 9 herë për shokët e skuadrës.





Lajmet e fundit nga