web counter
LEXO PA REKLAMA!

SHKARKO APP

App Store
Google Play

Sulejman Demollari feston 60-vjetorin e lindjes. Legjendë në Shqipëri dhe Rumani

15 Maj 2024, 10:07, Sport CNA

Sulejman Demollari feston 60-vjetorin e lindjes. Legjendë në

Sulejman Demollari, një nga ikonat e futbollit shqiptar, feston 60-vjetorin e lindjes. I quajtur shpesh si Mishel Platini i Shqipërisë, Demollari, është cilësuuar si një nga futbollistët shqiptarë më të mirë të të gjitha kohërave.

Sulejman Demollari, lindi më 15 maj, të vitit 1964. Si të gjithë, edhe ai e nisi futbollin si fëmijë, në fushat e lagjes ku jetonte. Që në moshë të re, Demollari, ra në sy për cilësitë që kishte me topin në këmbë.

Dinamo e Tiranës, e pikasi kur ishte i ri dhe e afroi në ekipin e të rinjve dhe më pas te skuadra e parë.

Kur Demollari, ishte në moshën 17-vjeçare, nisi të luante me ekipin e parë të Dinamos, aty ku në ndeshjen e parë, gjeti rrugën e rrjetës. Ky ishte vetëm fillimi, pasi ai u bë më pas ikonë e bluve, ku fitoi 3 tituj kampionë, në një kohë, kur rivaliteti me ekipet e kryeqytetit, ishte shumë i madh.

Në vitin 1991, Demollari, bëri një lëvizje të rëndësishme në karrierë, duke u transferuar në Rumani, te skuadra e Dinamos së Bukureshtit. Edhe në kampionatin rumun, ikona shqiptare, la shenjën e tij, duke shënuar 18 gola, në sezonin e titullit kampion. Në 100 ndeshje të luajtura me Dinamon e Bukureshtit, Demollari shënoi 38 gola.

Për këtë, ai është cilësuar si lojtari më i mirë i huaj i të gjitha kohërave, që ka luajtur për rumunët e Dinamos.

Demollari ka mbajtur shiritin e kapitenit, te kombëtaret shqiptare të moshave. Në vitin 2018, Demollari, u dekorua nga presidenti i asokohe, Ilir Meta, me titullin "Mjeshtër i madh i Sportit".





Lajmet e fundit nga