E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Tragjedia e një familjeje/ Arratisja për një jetë më të mirë që i mori jetën 5 shkodranëve

18 Gusht 2023, 18:55, Sociale CNA

Tragjedia e një familjeje/ Arratisja për një jetë më

Foto ilustruese

Të shumtë janë qytetarët që kanë humbur jetën gjatë regjimit komunist në Shqipëri vetëm për shkakun se kërkuan të bënin një jetë më të mirë.

E njejta gjë ka ndodhur edhe me një familje shkodrane. Hamit Arif Myrtja, së bashku me bashkëshorten dhe 3 fëmijët e tij u nisën të kalonin kufirin duke u arratisur nëpërmjet liqenit të Shkodrës.

Duke qenë se roja i ndërmarrjes së peshkimit ku ai punonte nuk pranoi ta linte të iknin, Myrtja e qëlloi me dru më kokë dhe roja ndërroi jetë.

Por, fati nuk ishte në anën e familjes shkodrane, pasi një shtrëngatë shiu i përmbysi varkën dhe nga kjo humbëjn jetë bashkëshortja me 3 fëmijët.

Hamit Myrtja arriti të kalojë kufirin, por autoritetet jugosllave e dorëzuan tek autoritetet shqiptare, të cilat e dënuan me varje në litar.

Historinë tragjike të kësaj familjeje shkodrane e tregon sot historiani Kastriot Dervishi, i cili ka publikuar një foto të çiftit që humbi jetën për një jetë më të mirë.

Tragjedia e një familjeje/ Arratisja për një jetë më

“Tragjedia e një familjeje

Në foto është Hamit Arif Myrtja nga Shkodra (1944-1976) me bashkëshorten. Historia e familjes së tij është tejet tragjike. Punonte në ndërmarrjen e peshkimit në Shkodër. Nevoja ekonomike e bëri të kërkonte arratisjen nëpërmjet liqenit të Shkodrës.

Mbrëmjen e datës 31.8.1976 vjen në ndërmarrje me gruan dhe tre fëmijët e tij. Iu lut rojes së ndërmarrjes ta linte të ikte se do kalonte kufirin. Kundërshtitë e rojes bënë që të përleshen dhe ta godasë me dru në kokë. Roja humb jetën. U nis ora 24.00, por për fatin e tij të keq filloi një shi e shtrëngatë dhe varka përmbyset. Gruaja dhe tre fëmijët e vegjël vdesin, ndërsa Hamiti del matanë. Nuk mjaftoi kjo por më 7.10.1976 autoritetet jugosllave e dorëzuan. U akuzua në bazë të neneve 64, 73/1 dhe 76 të Kodit Penal. E dënuan me vdekje, varje në litar dhe konfiskim të pasurisë. U var më 26.12.1976. Tejet i stresuar kërkoi ta vrisnin ballë për ballë”, shkruan Dervishi./ CNA

Tragjedia e një familjeje/ Arratisja për një jetë më