web counter
LEXO PA REKLAMA!

SHKARKO APP

App Store
Google Play

Temperaturat deri në 38 gradë celsius/ Moti për ditën e sotme dhe nesër

3 Gusht 2022, 08:07, Sociale CNA
Temperaturat deri në 38 gradë celsius/ Moti për ditën e
Foto ilustruese

Territori shqiptar parashikohet që gjatë paradites të vijojë të jetë në dominimin e kthjellimeve në ultësirën perëndimore, por kalime të lehta të vranësirave do të ketë në zonat malore. Ndërsa në orët në vijim vranësirat do të bëhen më të dukshme në zonat malore dhe do të shfaqen pjesërisht në zonën e ulët.  

Sipas Meteoalb, temperaturat e ajrit do të vijojnë të rriten në mëngjes, por do të mbeten konstante në mesditë duke luhatur vlerat ditore nga 16°C deri në 38°C.

Era do të fryjë mesatarisht me shpejtësi 30 km/h nga drejtimi perëndimor - veriperëndimor duke krijuar në brigjet detare dallgëzim 2 ballë.

Moti për ditën e nesërme, e enjte 4 gusht

Pjesa e parë e ditë do të jetë në mbizotërimin e kthjellimeve në zonat bregdetare dhe të ulëta, por kalime të lehta vranësirash do të ketë në zonat malore. Ndërsa në pjesën e dytë të ditës pritet që gradualisht vranësirat të shfaqen në zonat malore dhe pjesërisht në ultësirën perëndimore. Mbrëmja dhe nata rikthejnë kthjellimet në një pjesë të mirë të vendit.

Temperaturat e ajrit do të mbeten kostante në mëngjes, por do të ulen lehtë në mesditë duke luhatur vlerat ditore nga 16°C deri në 37°C.

Era do të fryjë e lehtë dhe mesatare me shpejtësi 40 km/h nga drejtimi veriperëndimor duke sjellë në det dallgëzim 2 - 3 ballë./ CNA.al

 





Lajmet e fundit nga