web counter
LEXO PA REKLAMA!

SHKARKO APP

App Store
Google Play

E fundit!

x

Temperatura të nxehta dhe vranësira/ Kapriçot e motit për sot, 20 gusht 2022

20 Gusht 2022, 08:07, Sociale CNA
Temperatura të nxehta dhe vranësira/ Kapriçot e motit për
Foto ilustruese

Alternime kthjellimesh dhe vranësirash të shpeshta do të dominojnë motin në territorin shqiptar. Në mesditë pritet shtim i vranësirave ne veri dhe qendër, duke rrezikuar momente me shira, herë pas here edhe rrebeshe. Po ashtu, edhe pasditja vijon me alternime kthjellimesh dhe vranësirash të dendura duke krijuar mundësi për shira të dobët.

Sipas MeteoAlb, temperaturat e ajrit do të pësojnë rënie në mëngjes dhe në mesditë duke luhatur vlerat ditore nga 13°C deri në 35°C.    

Era do të fryjë deri e fortë me shpejtësi mbi 50 km/h nga drejtimi jugor – jugperëndimor duke bërë që në brigjet detare të gjenerohet dallgëzim 4 ballë.

Nesër vendi do të jetë në ndikimin e kushteve të paqëndrueshme atmosferike. Moti parashikohet të jetë me vranësira të dendura, duke rrezikuar rrebeshe afatshkurtra shiu, më të dukshme në zonat veriore dhe veriperëndimore.

Herë pas here do të ketë intervale me kthjellime. Parashikohet që kjo situatë meteorologjike të vijojë edhe gjatë orëve në vijim, ku vranësirat do të jenë prezente dhe mund të sjellin rrebeshe shiu në pjesën më të madhe të vendit. Orët e vona të mbrëmjes sjellin përmirësim gradual të motit.

Temperaturat e ajrit do të rriten lehtë në mëngjes, por ulen në mesditë duke luhatur vlerat ditore nga 14°C deri në 33°C.

Era do të fryjë mesatare deri e fortë me shpejtësi 45 km/h nga drejtimi verior dhe verilindor duke krijuar në brigjet det dallgëzim mbi 3 ballë./ CNA.al





Lajmet e fundit nga