LEXO PA REKLAMA!

SHKARKO APP

Ndryshimet e klimës/ Fermerët informohen për pasojat në bujqësi

16 Gusht 2022, 19:55, Sociale CNA
Ndryshimet e klimës/ Fermerët informohen për pasojat në
Profesor Albert Kopali, gjatë takimit me fermerë në Novoselë të Vlorës

Fshatrat e Njësisë Administrative Novoselë, në Vlorë, tashmë përmbyten rregullisht, sa herë Vjosa vërshon në stinën e reshjeve. Nëse do të flasim për efektet e ndryshimeve të klimës, në Novoselë kjo ka kuptim më shumë se kudo tjetër.

Fenomeni natyror ka goditur të gjithë globin, por bujqësia është sektori që po e vuan më shumë. Përshtatja e bujqësisë me kushtet e reja klimatike është një sfidë globale, por fermerët shqiptarë janë fare pak të informuar mbi këto ndryshime dhe impaktet në jetën dhe punën e tyre në bujqësi.

Ndryshimet e klimës/ Fermerët informohen për pasojat në

Gjatë takimit me fermerë në Novoselë të Vlorës, në kuadër të projektit “Përshtatja e bujqësisë si sfidë përballë ndryshimeve të klimës”, fermerët u informuan mbi fenomenin e ndryshimeve klimatike në nivel global si dhe sa e si preket vendi ynë në këto ndryshime.

Ndryshimet e klimës/ Fermerët informohen për pasojat në

Profesor Albert Kopali, renditi disa nga pasojat e drejtpërdrejta të sektorit të bujqësisë nga ndryshimet e klimës, si:

-Reduktimimi rezervës ujore

-Ndryshimi i ciklit biologjik të bimëve

-Zgjatja e sezonit të thatë dhe të nxehtë të verës

-Çrregullimi i reshjeve dhe rritja e rrezikut të përmbytjeve.

Sipas profesor Kopalit, Novosela është pjesë e rajoneve shqiptare që po preken masivisht nga impaktet negative të ndryshimit të klimës. 

Ndryshimet e klimës/ Fermerët informohen për pasojat në

Ai theksoi se masat që merren në të tilla raste janë masa në nivel kombëtar që janë detyra të qeverisë dhe masa me karakter rajonal, që mund të merren nga fermerët në zonën e tyre.

Prof. Kopali sugjeroi që fermerët të konsultohen me specialistët e bujqësisë për çështje që lidhen me kohën e mbjelljes së bimëve, pasi ciklet tradicionale kanë ndryshuar. Për këtë arsye ai theksoi nevojën e kontakteve të vazhdueshme me specialistët e bujqësisë. Në kuadër të këtij projekti do të bëhet edhe trajnimi i specialistëve të agronomisë, që shërbejnë në nivel qëndror dhe lokal.

Ndryshimet e klimës/ Fermerët informohen për pasojat në

Projekti “Përshtatja e bujqësisë, si sfidë përballë ndryshimeve të klimës”, zhvillohet në kuadër të Green-AL, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN, Instituti për Zhvillimin e Habitatit në bashkëpunim me CISP Sviluppo dei Popoli, VIS Albania dhe COSV - Cooperazione per lo Sviluppo”./ CNA.al

Lajmet e fundit nga