web counter
LEXO PA REKLAMA!

SHKARKO APP

App Store
Google Play

Rriten sërish temperaturat/ Fundjava do të jetë përvëluese

5 Gusht 2022, 08:02, Sociale CNA

Rriten sërish temperaturat/ Fundjava do të jetë

Deri në orët e mesditës parashikohet që pjesa më e madhe e vendit tonë të jetë në dominimin e kthjellimeve, por në zonat e thella malore do të ketë edhe kalime të pakta vranësirash.

Ndërsa pas mesdite vranësirat do të shfaqen në një pjesë të mirë të territorit. Bregdeti mbetet pothuajse i gjithi në dominimin e motit të kthjellët.   

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 17°C deri në 39°C.

Era do të fryjë e lehtë dhe mesatare me shpejtësi 35 km/h nga drejtimi perëndimor - veriperëndimor duke krijuar në brigjet detare dallgëzim mbi 2 ballë.

Ndërsa nesër, me  6 gusht 2022, sipas MeteoAlb, masat ajrore të qëndrueshme dhe të nxehta mbeten prezente në vendin tonë, duke bërë që paraditja të dominohet nga kthjellimet në pothuajse gjithë territorin.

Por gjatë mesditës dhe pasdites parashikohet që vranësirat të shfaqen në zonat malore dhe pjesërisht në zonën e ulët. Ndërsa mundësitë për reshje të izoluara janë shumë të ulëta.   

Temperaturat e ajrit do të rriten në mëngjes dhe kostante në mesditë duke luhatur vlerat ditore nga 18°C deri në 40°C.

Era do të fryjë mesatarisht me shpejtësi 38 km/h nga drejtimi verior - veriperëndimor duke krijuar në brigjet detare dallgëzim 3 ballë./CNA.al





Lajmet e fundit nga