web counter
LEXO PA REKLAMA!

SHKARKO APP

App Store
Google Play

E fundit!

x

"Festa e Maturantëve"/ Të rinjtë devollitë vijojnë traditën

7 Korrik 2024, 21:11, Sociale CNA
"Festa e Maturantëve"/ Të rinjtë devollitë
Maturantët, Devoll

Maturantët e Devollit vijojnë traditën e festimit të ngjarjes më të madhe të formimit të tyre arsimor, me paradën dhe performancën në pedonalen e qytetit të Bilishtit. Ndryshe nga shumë maturantë të tjerë që preferojnë restorantet dhe lokalet, në këtë zonë të juglindjes, prej vitesh është kthyer në traditë "Festa e Maturantëve" e cila, nën kujdesin e veccantë te Bashkisë Devoll, u organizua mbrëmjen e së shtunës. Me një organizim mjaft të veccantë, 150 maturantë kanë festuar ditën e tyre të shënuar, duke bërë pjesë të kësaj feste edhe gjithë qytetin. Maturantët kanë ecur në një paradë, me tapetin e kuq të shtruar në pedonale, duke përshëndetur ccdo banor që ishte pjesë e kësaj feste, por sigurisht duke u kënaqur edhe me bashkëmoshatarët e tyre. Atmosfera u elektrizua edhe më tepër kur në skenë u ngjit këngëtarja Anxhela Peristeri, e cila ka ftuar edhe një pjesë të maturantëve të kërcenin pranë saj, duke krijuar një ndjesi akoma më të veccantë për këta të fundit.

Uendi Haxhi dhe Sara Spaho janë dy prej maturanteve të cilat kanë finalizuar këto vite studimi me rezultate shumë të mira. Ato tregojnë për Cna Tv emocionet e mëdha që kanë në këtë ditë të rëndësishme, duke uruar për sukses e mbarësi për të gjithë bashkëmoshatarët e tyre dhe shokët e klasës me të cilët kanë kaluar vite shumë të bukura.

"Ndihem shumë mirë, shumë e emocionuar. Për ne është festa ku të gjithë mblidhemi bashkë për herë të fundit dhe nuk do ti përjetojmë më këto emocione, të cilat i kemi kaluar për 3 vjet plot me vështirësi. Të gjithë së bashku sot jemi mbledhur për të festuar. Uroj të gjithë maturantët suksese aty ku do të shkojnë dhe sa më shumë mbarësi."

"Shumë e lumtur. Jam mjaft e kënaqur për këtë finalizim të suksesshëm dhe i uroj të gjithë bashkëmoshatarëve të mi shumë suksese."

Bashkia e Devollit u kujdes deri në detaj që kjo të ishte një nga festat më të bukura të organizuara. Kryebashkiaku Eduard Duro thotë se tashmë kjo festë është një traditë e trashëguar më herët dhe që do të vazhdojë ccdo vit. Ndër të tjera, Duro ka uruar maturantët për sukses në aplikimet e tyre universitare, gjithashtu edhe për një të ardhme të bardhë e të bukur.

"Është një festë e përvitshme e cila organizohet nga Bashkia Devoll dhe përfundon rrugëtimin 12 vjeccar të të rinjve që sot performuan në këtë festë. Matura 2024 përfshinte rreth 150 maturantë, duke përfshirë dhe shoqëruesit e tyre, pjesëmarrja në këtë festë tregon numrin e lartë të tyre. Pjesëmarrja në festë është jo vetëm e maturantëve por edhe e gjithë banorëve të bashkisë Devoll. Është një traditë e trashëguar dhe shpresoj të ngelet edhe në të ardhmen traditë e bashkisë Devoll. Të gjithë maturantëve që performuan sot në këtë skenë ju uroj suksese në jetën e tyre, suksese në aplikimet që ata bëjnë në universitete dhe shpresoj që e ardhmja e tyre të jetë e bardhë dhe e bukur."

Mijëra banorë të Devollit kanë mbushur pedonalen e qytetit të Bilishtit, duke shijuar zërin e mrekullueshëm të Anxhela Peristerit, duke kërcyer me njëri tjetrin, si edhe duke përshëndetur protagonistët e kësaj feste, maturantët. E gjithë vëmendja e mbrëmjes së djeshme iu kushtua të rinjve të cilët tashmë kanë para vetes një tjetër sfidë të madhe, përzgjedhjen e degëve, që do të formojnë jetën e tyre profesionale në të ardhmen./CNA

 





Lajmet e fundit nga