web counter
LEXO PA REKLAMA!

SHKARKO APP

App Store
Google Play

Hyn në fuqi marrëveshja me Italinë për pensionet/ Përfitojnë 500 mijë shqiptarë që jetojnë në shtetin fqinj

7 Korrik 2024, 15:25, Sociale CNA
Hyn në fuqi marrëveshja me Italinë për pensionet/
Ministri i jashtëm, Igli Hasani dhe homologu italian, Antonio Tajani

Marrëveshja e pensioneve mes Shqipërisë dhe Italisë ka nisur zbatimin nga dita e djeshme, 6 korrik. Prej saj përfitojnë shtetasit shqiptarë që jetojnë në Itali, si dhe shtetasit italianë që jetojnë në vendin tonë.

Kështu, të gjithë shqiptarët që jetojnë në Itali do të përfitojnë nga Sigurimi i Përgjithshëm i Detyrueshëm për pension invaliditeti, pleqërie dhe familjar të punonjësve të punësuar, trajtimin e posaçëm të punonjësve të vetëpunësuar si artizanë, tregtarë, fermerë dhe sigurimin për përfitimin për sëmundjet.

Pas datës 6 korrik, shqiptarët në prag pensioni duhet të aplikojnë pranë Institutit të Sigurimeve Shoqërore në shtetin italian dhe atë shqiptar duke bërë të mundur marrjen e dy pensioneve, sipas viteve të punës që kanë derdhur kontributet. Janë rreth 500 mijë shqiptarë që përfitojnë nga marrëveshja me Italinë, si dhe 4 mijë shtetas italianë që do të përfitojnë pension në Shqipëri.

Po ashtu shqiptarët që kanë dalë në pension përpara 2024, mund të aplikojnë për të përfituar nga kjo marrëveshje. Shteti shqiptar ka negociuar dhe lidhur me marrëveshjen me 17 shtete. Ndërkohë negociatat së fundmi janë përqendruar me qeverinë greke./CNA





Lajmet e fundit nga