Biznesmeni Gjergj Luca “kap” dhe komunistin e fundit në qytetin e luleve

13 Korrik 2024, 17:07, Sociale CNA

Biznesmeni Gjergj Luca “kap” dhe komunistin e fundit në qytetin

Qyteti i Pogradecit

I njohur si qyteti luleve, Pogradeci edhe këtë vit është një nga qytetet më të preferuara nga turistët vendas dhe të huaj për të kaluar pushimet. Kjo falë dhe investimeve të bëra nga kryetari i bashkisë, Ilir Xhakolli. Kushdo që e ka vizituar Pogradecin vitet e fundit ka vënë re ndryshime të dukshme si në infrastrukturë dhe në shërbime. Kjo nuk i ka shpëtuar as biznesmenit të njohur Gjergj Luca, i cili në një postim në rrjetin e tij sociale ka postuar një video duke udhëtuar buzë liqenit, teksa sheh ndyshimet e bera në këtë qytet dhe ato se çfarë të ofron ai për të kaluar pushime të qeta me kosto të lirë. Luca identifikon plazhet publike që rrallë i gjen në qytetet e tjera, çmimin e një shezlloni që nuk I kalon 6 mijë lekë, apo çmimet e arsyeshme që ofrojnë baret dhe restorantet dhe kjo falë kontrollit të bërë nga institucionet e bashkisë të cilët nuk lënë mundësinë për abuzime.

“Shiheni çfarë bëhet, plazh publik, bar, vetëm lule, njerëz të gëzuar, njerëz që të respektojnë, njerëz të mrekullueshëm. Më e bukura është që kryetari i Bashkisë Pogradec, bën mbledhje me pronarët e lokaleve një herë në dy javë, si në kohën e komunizmit dhe iu thotë që nuk ka çmime për çadrat më shtrenjtë se 600 lekë, iu kontrollon menutë,” shprehet Luca.

Në mënyrë indirekte duke luajtur me fjalët, Luca i drejtohet qytetarëve duke i’u thënë se ky është kryetari që i’u duhet.

“Për çfarë e doni këtë kryetar bashkie, hiqeni, sepse qenka komunist dhe iu kontrolloka edhe menutë që të mos rrisni çmimet, iu kontrollon edhe krevatet, që të mos rrisni çmimet për krevatet dhe hotelerinë. Prandaj rrini plot ju?

Biznesmeni Luca, nuk harron të ketë dhe një mesazh për kryetarët e bashkive të qyteteve bregdedare, ku çmimet për këtë sezon turistik kanë shkuar në stratosferë, ndësa shërbimet që ofrojnë lën për të dëshiruar, të marrin shembull nga kryetari i Bashkisë së Pogradecit

“O kryetarë bashkish, ju VIP-a e qyteteve të mëdha, që nuk dini se çfarë bëhet me qytetin tuaj, hajde merrni shembull në Pogradec, në këtë vend plot me lule, I vetmi që ka ditur të përkthejë poezitë e Lasgushit dhe e ka mbushur me lule, me ajër. Çmimet janë të lira dhe kontrollon çdo gjë.

Mos rrini si VIP-a që nuk kontrolloni asgjë në qytetet tuaja. Ky miku im që kontrollon qytetin qenka komunist,” shprehet Luca. /CNA