web counter
LEXO PA REKLAMA!

SHKARKO APP

App Store
Google Play

Bien temperaturat/ Parashikimi i motit për sot dhe nesër

14 Shtator 2024, 07:00, Sociale CNA
Bien temperaturat/ Parashikimi i motit për sot dhe nesër
Foto ilustruese

Për fundjavën që presim përpara, vendi ynë do të vijojë të ndikohet nga kushte atmosferike të paqëndrueshme për shkak të masave ajrore të lagështa me origjinë veriperëndimore.

Moti si për ditën e shtunë, ashtu dhe për ditën e diel parashikohet me vranësira mesatare dhe të dendura, por përgjatë ditës nuk do të mungojnë edhe alternimet e kthjellimeve dhe kryesisht përgjatë vijës bregdetare dhe Ultësirës Perëndimore. Vranësirat do të shoqërohen me reshje shiu me intensitet kryesisht të ulët dhe mesatar në formën e shtrëngatave.

Por, për ditën e sotme, pjesërisht në zonën e veriperëndimit dhe kryesisht zonën e qendrës, deri në orët e mesditës reshjet do të jenë lokalisht me intensitet deri dhe të lartë. Këto reshje do të jenë edhe në formën e rrebesheve apo stuhive afatshkurtra, shoqëruar me breshër dhe shkarkesa elektrike, çka mund të sjellë problematika në zonat urbane.

Era do të fryjë relativisht intensive me drejtim kryesor verilindje dhe juglindje dhe shpejtësi mesatare 5-12, ndërsa përgjatë vijës bregdetare dhe zonat luginore do të jetë problematike dhe me shpejtësi deri në 12-18 m/s.

Temperaturat pritet të pësojnë një rënie të ndjeshme në të dyja vlerat (si në ato darkës ashtu dhe ato të mesditës). Në relievet malore vlerat minimale pritet të arrijnë vlerat deri në 7 gradë Celsius, ndërsa ato të mesditës jo më shumë se 22-24 gradë përgjatë Ultësirës Perëndimore. Këto vlera janë disa gradë më pak sesa mesatarja mujore klimatike për vendin tonë./ CNA





Lajmet e fundit nga