web counter
LEXO PA REKLAMA!

SHKARKO APP

Reshje shiu, shkarkesa elektrike dhe breshër/ Parashikimi i motit për ditën e sotme

13 Shtator 2024, 07:17, Sociale CNA
Reshje shiu, shkarkesa elektrike dhe breshër/ Parashikimi i motit për
Foto ilustruese

Këtë të premte, vendi ynë do të jetë në ndikim të kushteve atmosferike të paqëndrueshme.

Moti parashikohet të jetë kryesisht i vranët.

Reshjet e shiut pritet të jenë prezente që në orët e para të 24-orëshit në pjesën më të madhe të vendit me intensitet të ulët deri mesatar. Në veriperëndim, reshjet e shiut lokalisht pritet të jenë me intensitet deri të lartë.

Gjatë ditës reshjet e shiut do të mbeten prezente të herëpashershme në pjesën më të madhe të vendit. Hera-herës do të ketë reshje shiu në formën e shtrëngatave dhe rrebesheve afatshkurtra, shoqëruar me shkarkesa elektrike dhe breshër.

Era parashikohet të jetë nga juglindja me shpejtësi mesatare deri në 8 m/sek, e cila hera-herës përgjatë vijës bregdetare dhe momentin e zhvillimit të vranësirave fiton shpejtësi deri në 20 m/sek. Deti do të ketë valëzim të forcës 3-4 ballë.

Temperaturat parashikohen:

në zonat malore 14 deri 28°C;

në zonat e ulëta 17 deri 27°C;

në zonat bregdetare 20 deri 27°C./ CNA





Lajmet e fundit nga