E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

“S’ka raste me linë e majmunëve”/ Drejtoresha e ISHP-së tregon masat që duhen zbatuar

11 Qershor 2022, 19:01, Shëndeti CNA

“S’ka raste me linë e majmunëve”/ Drejtoresha e

Drejtoresha e Institutit të Shëndetit Publik, Eugena Tomini

Drejtoresha e Institutit të Shëndetit Publik, Eugena Tomini, bën të ditur se në Shqipëri nuk ka raste të konfirmuara me linë e majmunëve.

Tomini tha se nuk ka vend për panik, pasi theksoi se nuk është e njëjta situatë me COVID-19. Ajo deklaroi në emisionin “Kjo Javë” se autoritetet shëndetësore disponojnë kapacitetet diagnostikuese për linë e majmunëve.

“Nuk duhet të panikosemi sepse nuk është e njëjta situatë si me COVID-19. Survejanca sindromike, qoftë në diagnozën laboratorike, kemi eksperienca të mëhershme. Kemi kapacitetet dhe për diagnozën laboratorike dhe të njerëzve. Flitet për raste të para nëse kemi të dhëna të dyshuara.

Virusi që shkakton linë e majmunit, i ka në të njëjtin nivel postulat. Në të gjithë trupin, nga pjesa e buzëve, mund të kalojë në pjesët gjenitale, në kofshë. Janë në të njëjtin stad të shfaqjes klinike. Fillojnë me një lëng seroz të pastër, kalojnë në postula me qelb. Ka të njëjtin stad si variçela. Kemi një periudhë të inkubacionit nga 2-4 javë. Periudha para shfaqjes së shenjave të temperaturës, lodhjes, gjëndrave, jemi në një periudhë 3-4 ditore, është infeksioze, deri në momentin që postulat apo qeskat me qelb, individi është infeksioz, ndaj duhet të izolohet”, u shpreh ajo.

Më tej, drejtoresha e Institutit të Shëndetit Publik theksoi se për këtë virus duhen marrë të njëjtat masa si për COVID-19.

“U rikthehemi të njëjtave masa, nga higjiena e duarve, vendosja e maskave, sepse mund të ketë dhe infeksione sekondare. Transmetim nëpërmjet postulave nga kontakti i ngushtë mes dy individëve. Gjithë masat që kemi respektuar ndaj COVID-it, por me një element të shtuar siç është kontakti me lëkurën shtojnë vigjilencën.

Jemi në pritje të sjelljes së elementëve sekondarë. Aktualisht nuk kemi raste të dyshuara për linë e majmunëve. Deri në këto momente nuk kemi pasur asnjë rast të dyshuar”, nënvizoi Tomini./ B.A. – CNA.al