Lia e majmunëve/ Ulqinaku flet për situatën në Shqipëri, porosia për mjekët e familjes

Dritan Ulqinaku

Nëndrejtori i ISHP-së, Dritan Ulqinaku, ka deklaruar mbrëmjen e sotme se në vendin tonë nuk është konfirmuar asnjë rast pozitiv me linë e majmunëve.

Në një intervistë për emisionin "Debat" në "A2CNN", ai tha se mjekëve të familjes u është dëguar një udhëzues për këtë sëmundje, ndërsa shton se sensibilizimi tashmë është dhënë.

“Zyrtarisht nuk kemi asnjë rast të dyshuar me linë e majmunit. Ajo që mund  t’iu them është se sensibilizimi është dhënë tashmë. Ne jemi munduar që të mos humbim kohë për të shpërndarë udhëzuesit për mjekët e familjes në të gjithë vendin, nëpërmjet rrjetit të sistemit shëndetësor. Ka filluar të ngrihet sistemi specifik i survejancës për këtë sëmundje dhe deri tani nuk kemi asnjë rast të konfirmuar”, tha Ulqinaku.

Nëndrejtoi i ISHP-së theksoi se ata janë në kontakt me laboratorët në Mbretërinë e Bashkuar dhe Holandë nëse do të kenë raste të dyshuara, por duke qenë se nuk ka asnjë të tillë, Ulqinaku thekson se nuk është dërguar asnjë mostër për testim.

“Laboratorët  e Mbretërisë së Bashkuar dhe Holandës janë laboratorët e kontaktuar që do të na ndihmojnë për rastet e dyshuara. Nuk kemi asnjë rast të dyshuar që të dëgojmë mostër për testim”, tha Ulqinaku./E.K-CNA.al

14:26 Shëndeti

Një vit nga hapja e Spitalit Memorial të Fierit/ Manastirliu: Mbi 73 mijë shërbime të ofruara

Një vit nga hapja e Spitalit Memorial të Fierit, janë ...

09:02 Shëndeti

“Vrasësi i heshtur”/ 5 shkaktarët befasues të rritjes së presionit të gjakut

Presioni i lartë i gjakut, i quajtur edhe hipertension...