E fundit!

10:08 Aktualitet

“Bashkitë në fazë të re zhvillimi”/ Demo: Duhen projekte cilësore për të përthithur fondet e BE-së

Ministri i Shtetit për Pushtetin Vendor, Ervin Demo, dekla...

Sëmundja e mëlçisë me pasoja të rënda/ Cilat janë shenjat që nuk duhet t’i neglizhoni

9 Qershor 2023, 19:04, Shëndeti Ilir Allkja

Sëmundja e mëlçisë me pasoja të rënda/ Cilat

Sëmundja e dhjamosjes jo alkoolike të mëlçisë (Steatoza joalkoolike e mëlçisë), është forma më e zakonshme e vuajtjes kronike të mëlçisë dhe potencialisht një vrasëse e fshehur në trupin tuaj.

Steatoza joalkoolike e mëlçisë është në mënyrë tipike asimptomatike (pa shenjat) derisa të përparojë në dëmtime serioze të saj që mund të rezultojnë fatale.

Shumica e rasteve diagnostifikohen vetëm pasi ju keni kryer analizë rutinë të gjakut për ankesa të tjera shëndetësore.

Steatoza joalkoolike e mëlçisë është gjithashtu e lidhur ngushtë me sindromin metabolik, i cili përfshin tension të lartë të gjakut, sheqer të lartë në gjak si dhe shtim në peshë.

Steatoza joalkoolike e mëlçisë është një pararendëse e infarktit të miokardit, diabetit mielit, goditjes në tru dhe humbjes së memories.

E padiagnostifikuar në kohë dhe e e patrajtuar, Steatoza joalkoolike e mëlçisë mund të kalojë në steatohepatit joalkoolik, një gjendje inflamatore e mëlçisë.

Dëmtimi nga steatoza joalkoolike mund të shkaktojë fibrozë në mëlçi, e cila më pas mund të çojë në cirrozë dhe në fund fatalitet.

Shenjat e steatozës joalkoolike e mëlçisë janë:

Lodhje kronike.

Nauze, të përziera.

Zverdhje të lëkurës dhe syve (verdhëz)

Humbja të oreksit dhe humbje të peshës.

Enjtje të këmbëve.

Dobësi të përgjithshme .

Konfuzion ose probleme në përqendrim.

Zmadhim të mëlçisë.

Rekomandime për një mëlçi të shëndetshme dhe një jetë të gjatë e pa vuajtje:

Bëni jetë aktive çdo ditë, ecja në natyrë ju jep shumë më tepër përfitime se sa palestrat e shtrenjta me ajër të mbyllur e ndoshta të kontaminuar.

Shmangni alkoolin dhe ilaçet e panevojshme

Mbani ulët nivelin e inflamacionit. Mënyrat më e mirë për ta bërë këtë janë eleminimi i ushqimeve që nxisin inflamacionin (gluteni dhe qumështi janë më të zakonshmet) si dhe minimizimi i ekspozimit ndaj toksinave e kimikateve.

Përdorni sa më shumë lakra, lulelakra, brokoli, karrota, limona etj

Pini ujë mbi dy litra në ditë në dimër e mbi 3 litra në ditë në verë.

Për të mbështetur metabolizmin dhe funksionin e mëlçisë , përdorni yndyrnat shëruese që gjenden tek peshqit e vegjël; sardelet, acuket, konsumoni ullinj dhe vaj ulliri; avokado; arra dhe fara; proteina të kafshëve të ushqyera me bar.

Shtesat ushqimore gjithashtu mund të trajtojnë një mëlçi të dhjamosur, të tilla si kurkumina, vitamina E, acide yndyrore etj.

Oksigjenoterapia është një mënyrë efikase që përdoret me sukses në fazat e avancuara të steatozës hepatike. Kjo ndikon drejtpërdrejt duke nxitur apoptozën e qelizave hepatike të dala jashtë funksionit duke ulur toksicitetin dhe rritur parametrat biologjikë.

Kujdesuni për veten, jetojmë vetëm një herë!