web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Testi i gjakut që zbulon më shumë se 50 lloje kanceri

2 Qershor 2023, 10:33, Shëndeti CNA
Studimi/ Testi i gjakut që zbulon më shumë se 50 lloje kanceri
Foto ilustruese

Studiuesit kanë zbuluar një test gjaku i cili identifikon më shumë se 50 lloje të kancerit.

Testi zbuloi saktë dy nga çdo tri kancere në mesin e 5,000 njerëzve që kishin simptomat dyshuese.

Në 85% të atyre rasteve pozitive, përcaktoi vendin e kancerit.

Testi Galleri kërkon ndryshime të dallueshme në copa të kodit gjenetik që rrjedhin nga kancere të ndryshme.

Testi mbetet një "punë në progres", thonë studiuesit nga Universiteti i Oksfordit, por mund të rrisë numrin e kancereve të identifikuara.

Shpesh, pacientët kanë simptoma, si humbja e peshës, me një sërë shkaqesh të mundshme dhe kërkojnë analiza të shumta dhe vizita spitalore.

Më shumë se 350 persona të cilët iu nënshtruan testit u diagnostikuan më pas me kancer duke përdorur metoda tradicionale si skanimet dhe biopsitë.

Rreth 75% e atyre që rezultuan pozitivë në testin e gjakut u zbuluan se kishin kancer 2.5%.

Edhe pse jo mjaftueshëm i saktë për të "përcaktuar ose përjashtuar kancerin", testi ishte vërtet i dobishëm për pacientët, studiuesi kryesor, Prof Mark Middleton, i tha "BBC News".

Gjetjet do të prezantohen në konferencën e Shoqatës Amerikane të Onkologjisë Klinike, në Çikago, dhe do të botohen në revistën "The Lancet Oncology".

NHS ka përdorur gjithashtu testin Galleri, të zhvilluar nga kompania kaliforniane Grail, në mijëra njerëz pa simptoma, për të parë nëse mund të zbulojë kanceret e fshehura.

Rezultatet fillestare priten këtë vit dhe nëse janë të suksesshme, NHS në Angli planifikon të zgjasë shtrirjen në një milion njerëz të tjerë në 2024 dhe 2025.

Testi është veçanërisht i mirë në gjetjen e kancereve të vështira për t'u dalluar si kanceret e kokës dhe qafës, zorrëve, mushkërive, pankreasit dhe fytit./ CNA.al





Lajmet e fundit nga