web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk duhet të konsumoni një mëngjes të ëmbël/ Ja çfarë thotë ekspertja

7 Tetor 2022, 20:14, Shëndeti CNA
Pse nuk duhet të konsumoni një mëngjes të ëmbël/
Foto ilustruese

“Mëngjesi nuk është për ëmbëlsira”. Kjo fjali, e shqiptuar së fundmi nga disa nutricionistë, është thelbësore për të kuptuar gabimet që duhen shmangur në mëngjes, por që shumica prej nesh i bëjnë kur vendosim që të konsumojmë ushqime të ëmbla. Nutricionistja amerikane Monica Reinagel ia kushtoi një nga podkastet e saj “Nutrition Diva” abuzimit me drithërat me sheqer për mëngjes veçanërisht në rastin e fëmijëve, dhe tha: “Kur ha drithëra me sheqer, i konsideroj më shumë si një ëmbëlsirë. Dhe personalisht nuk dua ta nis ditën me ëmbëlsirë”.

Të njëjtën gjë mendon edhe ekspertja Beatriz Larrea, e cila në një postim në Instagram ka folur për rëndësinë e kontrollit të niveleve të glukozës. "Vakti i parë i ditës ka një ndikim të madh në nivelet e glukozës dhe dëshirat për ushqim në orët pas. Mëngjesi nuk është një ëmbëlsirë."

Çfarë ndodh me trupin tonë kur hamë një mëngjes të ëmbël?

Sipas ekspertes dita kur në mëngjes njeriu merr vetëm diçka të ëmbël, pak më pas ai ndihet i uritur. Në të kundërt, nëse hani fruta dhe bukë të thekur me domate, ndiheni shumë më të ngopur, shpjegon Beatriz Larrea. "Ne e dimë se mëngjeset e pasura me karbohidrate të rafinuara gjenerojnë rritje të glukozës dhe insulinës që shkaktojnë dëshirat për ushqim, shtimin në peshë dhe ndryshimet hormonale të rriten në mënyrë eksponenciale. Vakti i parë i ditës përcakton zgjedhjet për pjesën tjetër të vakteve. Qëllimi është një mëngjes që mban të balancuar nivelet e glukozës dhe insulinës, ju bën të ndiheni të kënaqur, siguron lëndë ushqyese për performancën njohëse dhe na ndihmon t'i rezistojmë stresit”, shpjegon ekspertja.

Një mëngjes i mirë gjithashtu ju ndihmon të humbni peshë.

Larrea i referohet disa studimeve për të renditur përfitimet e një vakti të parë të mirë të ditës.

"Një mëngjes i mirë ndihmon në përmirësimin e performancës njohëse tek fëmijët, përmirëson profilin metabolik dhe zvogëlon rrezikun e obezitetit. Fëmijët, adoleshentët dhe të rriturit që nuk e konsumojnë mëngjesin janë më të rrezikuar nga mbipesha dhe ndryshimet e glukozës," shpjegon ajo. Në të vërtetë, Larrea këmbëngul në një detaj tjetër të rëndësishëm: marrëdhënien mes ushqimit dhe hormoneve. “Tani e dimë se në mëngjes dhe në drekë ka një ndjeshmëri më të madhe ndaj insulinës, që do të thotë se ne përpunojmë më mirë ushqimin, veçanërisht karbohidratet. Një studim ka treguar se të njëjtat kalori ju shëndoshin më shumë në mbrëmje sesa në mëngjes dhe se njerëzit që hanë më shumë gjatë ditës kanë më shumë gjasa të humbin/mbajnë peshë”, thotë ajo duke iu referuar sondazhit të Frekuencës së Vakteve , të publikuar në The Lancet , i cili analizoi lidhjen midis shpeshtësisë së vakteve dhe mbipeshës dhe tolerancës ndaj glukozës. Larrea në bazë të hulumtimeve të tjera arrin në përfundimin se “ngrënia e mëngjesit lidhet me një rrezik më të ulët të diabetit të tipit 2, sindromës metabolike dhe mbipeshës”./ CNA.al





Lajmet e fundit nga